കഠിനമായ അയൺമാൻ എൻഡ്യൂറൻസ് മത്സരത്തിനായുള്ള പരിശീലനത്തിനിടെ കൃത്രിമക്കാൽ ഊരിപ്പോയ മുൻ നാവിക ഉദ്യോഗസ്ഥന് വഴിയാത്രക്കാരൻ രക്ഷകനായെത്തിയ ഹൃദയസ്പർശിയായ വീഡിയോ സാമൂഹിക മാധ്യമങ്ങളിൽ തരംഗമാകുന്നു (Vincenzo Garofalo Prosthetic Leg Accident). മാൾട്ടയിലെ സെന്റ് പോൾസ് ബേയിൽ സൈക്കിൾ ചവിട്ടുകയായിരുന്ന മുൻ നാവിക എഞ്ചിനീയർ വിൻസെൻസോ ഗാരോഫാലോയ്ക്കാണ് ഈ അപൂർവ്വ അനുഭവം ഉണ്ടായത്. സൈക്ലിങ്ങിനിടെ പെട്ടെന്ന് വലതുവശത്തെ കൃത്രിമക്കാൽ അടർന്നുപോയതോടെ റോഡരികിൽ സൈക്കിൾ നിയന്ത്രിക്കാനാവാതെ അദ്ദേഹം ബുദ്ധിമുട്ടി. ഈ സമയം റോഡിലൂടെ ഓടുകയായിരുന്ന ഒരു കാൽനടയാത്രക്കാരൻ പെട്ടെന്ന് ഓടിയെത്തുകയും, റോഡിൽ വീണ കൃത്രിമക്കാൽ എടുത്തു നൽകി സൈക്കിൾ വീഴാതെ ബാലൻസ് ചെയ്യാൻ അദ്ദേഹത്തെ സഹായിക്കുകയുമായിരുന്നു.
തുടർന്ന് തനിക്ക് നേരിട്ട ഈ അനുഭവം വിൻസെൻസോ ഗാരോഫാലോ തന്നെയാണ് സോഷ്യൽ മീഡിയയിലൂടെ പങ്കുവെച്ചത്. താൻ ഇത്തരം രംഗങ്ങൾ മുൻപ് വീഡിയോകളിൽ മാത്രമേ കണ്ടിട്ടുള്ളൂവെന്നും തനിക്ക് നേരിട്ട് സഹായം നൽകിയ ആ അപരിചിതനായ വ്യക്തിയോട് ഹൃദയത്തിന്റെ ഭാഷയിൽ നന്ദി പറയുന്നുവെന്നും അദ്ദേഹം കുറിച്ചു. ശാരീരിക പരിമിതികൾ വെറും മനസ്സിൽ മാത്രമാണുള്ളതെന്നും ജീവിതം തനിക്ക് മുൻപിൽ നിരവധി പ്രതിസന്ധികൾ ഉയർത്തിയെങ്കിലും തോറ്റുകൊടുക്കാൻ താൻ തയ്യാറല്ലെന്നും അദ്ദേഹം കൂട്ടിച്ചേർത്തു. ഇതിനോടകം 8.8 മില്യണിലധികം ആളുകൾ കണ്ട ഈ വീഡിയോയ്ക്ക് താഴെ ആപത്ഘട്ടത്തിൽ സഹായിച്ച വഴിയാത്രക്കാരനെ അഭിനന്ദിച്ചുകൊണ്ട് നിരവധി പേരാണ് രംഗത്തെത്തുന്നത്.
View this post on Instagram
Summary: A heartwarming video went viral showing a kind pedestrian rushing to assist Vincenzo Garofalo, an amputee and former naval engineer, after his prosthetic leg detached mid-ride. The incident occurred in Malta while Garofalo was training for the rigorous Ironman endurance contest. After the footage accumulated over 8.8 million views, social media users globally lauded the stranger’s quick, selfless actions and celebrated the cyclist’s resilient spirit.
