മലപ്പുറം: ഫോൺവിളി വിവാദത്തിൽ സുജിത് ദാസിനെതിരെ സമഗ്രമായ പുനരന്വേഷണം നടത്തണമെന്ന് ആവശ്യപ്പെട്ട് പി.വി. അൻവർ. ഇക്കാര്യം ഉന്നയിച്ച് ആഭ്യന്തരവകുപ്പ് മന്ത്രി രമേശ് ചെന്നിത്തലയ്ക്ക് അൻവർ ഔദ്യോഗികമായി കത്ത് നൽകി. സുജിത് ദാസിനെ കുറ്റവിമുക്തനാക്കിക്കൊണ്ടുള്ള മുൻ വകുപ്പുതല അന്വേഷണ റിപ്പോർട്ട് പുനഃപരിശോധിക്കണമെന്നും മരംമുറി കേസിൽ പുതിയ അന്വേഷണം വേണമെന്നും കത്തിൽ ആവശ്യപ്പെടുന്നുണ്ട്.(PV Anvar Demands Re Investigation Against Former Malappuram SP Sujit Das Letter To Ramesh Chennithala)
വിവാദവുമായി ബന്ധപ്പെട്ട് മുൻപ് അന്വേഷണം നടത്തിയ പ്രത്യേക അന്വേഷണ സംഘത്തിന്റെ റിപ്പോർട്ടിൽ ഗുരുതരമായ വീഴ്ചകളുണ്ടെന്നാണ് പി.വി. അൻവർ ആരോപിക്കുന്നത്. കേസിന്റെ പ്രധാന ഘട്ടങ്ങളിൽ മൊഴി രേഖപ്പെടുത്താൻ ഹാജരാകാനുള്ള നോട്ടീസ് പോലും എസ്.ഐ.ടി നൽകിയിരുന്നില്ല എന്നും അദ്ദേഹം പറയുന്നു.
അതിനാൽ മുൻ അന്വേഷണ സംഘത്തിന്റെ നടപടികൾ പുനഃപരിശോധിക്കാൻ ഉത്തരവിടണമെന്നും സുജിത് ദാസിനെതിരെ ശക്തമായ നടപടികളിലേക്ക് കടക്കണമെന്നും കത്തിലൂടെ ആവശ്യപ്പെട്ടിട്ടുണ്ട്.
Story Summary
P.V. Anvar has submitted a letter to Home Minister Ramesh Chennithala demanding a re-investigation against former Malappuram SP Sujit Das over the controversial phone call case and tree-felling incident. Anvar alleged lapses in the previous SIT report and demanded criminal action.
