കൊൽക്കത്ത: പശ്ചിമ ബംഗാളിലെ ഝാർഗ്രാമിൽ തിരഞ്ഞെടുപ്പ് പ്രചാരണത്തിനിടെ പ്രധാനമന്ത്രി നരേന്ദ്ര മോദിക്ക് പ്രശസ്തമായ ബംഗാളി പലഹാരമായ ഝാൽമുരി തയ്യാറാക്കി നൽകിയ വഴിയോര കച്ചവടക്കാരൻ വിക്രം സാവോയ്ക്ക് നേരെ അന്താരാഷ്ട്ര നമ്പറുകളിൽ നിന്ന് വധഭീഷണി. കഴിഞ്ഞ കുറച്ചു ദിവസങ്ങളായി പാകിസ്താൻ, ബംഗ്ലാദേശ് എന്നിവിടങ്ങളിൽ നിന്നുള്ള അജ്ഞാത നമ്പറുകളിൽ നിന്ന് ഫോൺ കോളുകളായും വാട്സ്ആപ്പ് സന്ദേശങ്ങളായും ഭീഷണി സന്ദേശങ്ങൾ ലഭിക്കുകയാണെന്ന് വിക്രം സാവോ വെളിപ്പെടുത്തി.(Modi Jhalmuri Vendor Vikram Sao Death Threats Pakistan Bangladesh Jhargram Bengal)
തനിക്കും കുടുംബത്തിനും വലിയ രീതിയിലുള്ള ഭയമുണ്ടെന്നും ബോംബെറിഞ്ഞ് കൊലപ്പെടുത്തുമെന്നാണ് വിളിക്കുന്നവർ പറയുന്നതെന്നും വിക്രം സാവോ മാധ്യമങ്ങളോട് പറഞ്ഞു. അന്താരാഷ്ട്ര നമ്പറുകളിൽ നിന്നുള്ള കോളുകൾ തന്റെ നിത്യജീവിതത്തെയും കച്ചവടത്തെയും സാരമായി ബാധിച്ചതായി വിക്രം സാവോ വ്യക്തമാക്കുന്നു.”പാകിസ്താനിൽ നിന്നും ബംഗ്ലാദേശിൽ നിന്നും നിരന്തരം ഭീഷണി കോളുകളും വീഡിയോ കോളുകളും വരുന്നുണ്ട്. എന്നെ ബോംബ് വെച്ച് തകർക്കുമെന്നാണ് അവരുടെ ഭീഷണി. വീഡിയോ കോൾ ചെയ്യുന്നവർ ഭയപ്പെടുത്തുന്ന ആംഗ്യങ്ങൾ കാണിക്കുകയും മാരകായുധങ്ങൾ ബ്രാൻഡ് ചെയ്യുകയും ചെയ്യുന്നു. ഗുരുതരമായ പ്രത്യാഘാതങ്ങൾ നേരിടേണ്ടി വരുമെന്നാണ് താക്കീത്. ആദ്യം മതപരമായ ഒരു അഭിവാദ്യം നൽകിയ ശേഷമാണ് അവർ ഭീഷണിപ്പെടുത്താൻ തുടങ്ങുന്നത്. ‘നീ ജീവനോടെയുണ്ടോ അതോ ചത്തോ’ എന്ന് ചോദിച്ചാണ് ബംഗ്ലാദേശിൽ നിന്നുള്ള കോളുകൾ വരുന്നത്. നിന്റെ കട ഞങ്ങളുടെ ടാർഗെറ്റിൽ ഉണ്ടെന്നും ബോംബ് സ്ഫോടനത്തിൽ കൊല്ലപ്പെടുമെന്നും വാട്സ്ആപ്പ് സന്ദേശങ്ങളും ലഭിച്ചു.”
തന്റെ ഫോണിലേക്ക് വിളിക്കുന്നവർ പ്രധാനമന്ത്രിയുമായുള്ള കൂടിക്കാഴ്ചയെക്കുറിച്ച് നേരിട്ട് ഒന്നും പറയുന്നില്ലെങ്കിലും, പ്രധാനമന്ത്രി തന്റെ കട സന്ദർശിച്ച വീഡിയോ സോഷ്യൽ മീഡിയയിൽ വൈറലായതിന് തൊട്ടുപിന്നാലെയാണ് ഈ ഭീഷണി കോളുകൾ വരാൻ തുടങ്ങിയതെന്ന് അദ്ദേഹം സ്ഥിരീകരിച്ചു. കഴിഞ്ഞ ഏപ്രിൽ 19-ന് ഝാർഗ്രാമിൽ നടന്ന ബി.ജെ.പിയുടെ തിരഞ്ഞെടുപ്പ് റാലിക്കിടെയാണ് പ്രധാനമന്ത്രി നരേന്ദ്ര മോദി അപ്രതീക്ഷിതമായി വിക്രം സാവോയുടെ വഴിയോരക്കടയ്ക്ക് മുന്നിൽ വണ്ടി നിർത്തിയത്. പ്രധാനമന്ത്രി സ്വയം മുന്നോട്ട് വന്ന് തനിക്ക് ഝാൽമുരി നൽകാൻ ആവശ്യപ്പെടുകയായിരുന്നു. ഇതിന്റെ വീഡിയോ ദശലക്ഷക്കണക്കിന് ആളുകളാണ് സോഷ്യൽ മീഡിയയിൽ കണ്ടത്. പ്രധാനമന്ത്രി പണം നൽകിയപ്പോൾ വിക്രം ആദ്യം വിസമ്മതിച്ചെങ്കിലും മോദി നിർബന്ധിച്ച് പണം ഏൽപ്പിക്കുകയായിരുന്നു. പൊരി, ഉള്ളി, പച്ചമുളക്, കടുുകെണ്ണ എന്നിവ ചേർത്തുണ്ടാക്കുന്ന പ്രശസ്തമായ ബംഗാളി ലഘുഭക്ഷണമാണ് ഝാൽമുരി. സംഭവം വിവാദമായതോടെ പശ്ചിമ ബംഗാൾ പോലീസ് വിക്രം സാവോയ്ക്കും കുടുംബത്തിനും സുരക്ഷ ഉറപ്പാക്കിയിട്ടുണ്ട്. ഇയാളുടെ കടയ്ക്കും വീടിനും പോലീസ് കാവൽ ഏർപ്പെടുത്തി. ഭീഷണി കോളുകൾ വന്ന അന്താരാഷ്ട്ര നമ്പറുകളെ കേന്ദ്രീകരിച്ച് സൈബർ പോലീസ് അന്വേഷണം ആരംഭിച്ചതായി അധികൃതർ അറിയിച്ചു.
Story Summary
Vikram Sao, a Jhalmuri vendor from West Bengal’s Jhargram who went viral after serving the snack to PM Narendra Modi, has alleged receiving death threats from Pakistan and Bangladesh. Sao claimed that unidentified callers from international numbers have been making daily video and phone calls, brandishing weapons and threatening to blow him up with bombs. Following his complaint, West Bengal police have provided security cover to Sao and his family, and an investigation into the international threat calls has been launched.
