തിരുവനന്തപുരം: കേരള മുഖ്യമന്ത്രിയായി ചുമതലയേറ്റ ശേഷം ആദ്യമായി ദേശീയ തലസ്ഥാനത്ത് എത്തുന്ന വി.ഡി. സതീശന് വൻ സ്വീകരണമൊരുക്കാൻ പുതിയ തലമുറയിലെ വിദ്യാർത്ഥികളുടെ കൂട്ടായ്മ. ‘ടീം ജെൻസി’ എന്ന പേരിൽ ഡൽഹി ജവഹർലാൽ നെഹ്റു യൂണിവേഴ്സിറ്റി, ജാമിയ മില്ലിയ ഇസ്ലാമിയ, ഡൽഹി യൂണിവേഴ്സിറ്റി എന്നിവിടങ്ങളിലെ മലയാളി വിദ്യാർത്ഥികളാണ് മുഖ്യമന്ത്രിക്ക് സ്വീകരണം നൽകുന്നത്.(CM VD Satheesan First Delhi Visit Gen Z Students Welcome KPCC Reorganization Talks)
ഇന്ന് രാത്രി ഡൽഹിയിലെത്തുന്ന അദ്ദേഹത്തിന് കേരള ഹൗസിൽ വെച്ചാണ് സ്വീകരണം നിശ്ചയിച്ചിരിക്കുന്നത്. ഇന്ന് വൈകിട്ട് കേരളത്തിൽ നിന്ന് തിരിക്കുന്ന മുഖ്യമന്ത്രി വി.ഡി. സതീശൻ രാത്രിയോടെ ഡൽഹിയിലെത്തും. നേരത്തെ ഇതേ വിദ്യാർത്ഥി കൂട്ടായ്മ സതീശന് നൽകിയ സ്വീകരണം വിവാദങ്ങൾക്ക് വഴിവെച്ചിരുന്നു. എന്നാൽ മുഖ്യമന്ത്രി പദവിയിലെത്തിയ ശേഷമുള്ള അദ്ദേഹത്തിന്റെ ആദ്യ സന്ദർശനം ഗംഭീരമാക്കാനാണ് വിദ്യാർത്ഥികളുടെ തീരുമാനം.
ഡൽഹി സന്ദർശനത്തിനിടെ കോൺഗ്രസ് ഉന്നത നേതൃത്വവുമായി മുഖ്യമന്ത്രി കൂടിക്കാഴ്ച നടത്തും. സോണിയ ഗാന്ധി, രാഹുൽ ഗാന്ധി, പ്രിയങ്ക ഗാന്ധി, എ.ഐ.സി.സി അധ്യക്ഷൻ മല്ലികാർജ്ജുൻ ഖർഗെ എന്നിവരുമായാണ് ചർച്ചകൾ നിശ്ചയിച്ചിരിക്കുന്നത്. കേരളത്തിലെ പുതിയ കെ.പി.സി.സി പുനസംഘടനയുമായി ബന്ധപ്പെട്ട ചർച്ചകളാണ് ഈ കൂടിക്കാഴ്ചയിലെ പ്രധാന അജണ്ട.
Story Summary
Kerala Chief Minister VD Satheesan is arriving in Delhi tonight for the first time after assuming office. A Gen-Z student collective from JNU and Jamia Millia Islamia universities will welcome him at Kerala House. During his visit, the CM will hold high-level talks with top Congress leaders, including Sonia Gandhi and Rahul Gandhi, regarding the KPCC reorganization.
