ഭോപ്പാൽ: സ്ത്രീധന പീഡനത്തെത്തുടർന്ന് മരണമടഞ്ഞ നോയിഡ സ്വദേശിനി ട്വിഷാ ശർമ്മയുടെ കേസ് കേന്ദ്ര അന്വേഷണ ഏജൻസിയായ സി.ബി.ഐക്ക് കൈമാറാൻ മധ്യപ്രദേശ് സർക്കാർ ഔദ്യോഗികമായി ശുപാർശ ചെയ്തു. കേസിന്റെ കൃത്യവും നിഷ്പക്ഷവുമായ അന്വേഷണത്തിനായി കേസ് സി.ബി.ഐക്ക് കൈമാറാൻ നിർദ്ദേശിക്കുന്നതായി സംസ്ഥാന സർക്കാർ വെള്ളിയാഴ്ച പുറത്തിറക്കിയ വിജ്ഞാപനത്തിൽ വ്യക്തമാക്കി.(Twisha Sharma death case, MP Govt Proposes To Transfer Twisha Sharma Death Case To CBI)
മധ്യപ്രദേശ് ആഭ്യന്തര വകുപ്പ് സെക്രട്ടറി കൃഷ്ണവേണി ദേസാവതുവാണ് ഇത് സംബന്ധിച്ച ഔദ്യോഗിക വിജ്ഞാപനം പുറപ്പെടുവിച്ചതെന്ന് സർക്കാർ വൃത്തങ്ങൾ അറിയിച്ചു. പെൺകുട്ടിയുടെ മരണത്തിന് പിന്നിലെ സ്ത്രീധന പീഡന ആരോപണങ്ങളെക്കുറിച്ചും മറ്റ് ദുരൂഹതകളെക്കുറിച്ചും കേന്ദ്ര ഏജൻസി തന്നെ അന്വേഷിക്കണമെന്നാണ് മധ്യപ്രദേശ് ആഭ്യന്തര വകുപ്പിന്റെ നിലപാട്.
നോയിഡ സ്വദേശിനിയായ ട്വിഷാ ശർമ്മ കഴിഞ്ഞ ആഴ്ചയാണ് കടുത്ത സ്ത്രീധന പീഡന ആരോപണങ്ങൾ നിലനിൽക്കെ ദുരൂഹ സാഹചര്യത്തിൽ മരണപ്പെടുന്നത്. ഭർത്താവിന്റെയും വീട്ടുകാരുടെയും ഭാഗത്തുനിന്നുണ്ടായ ക്രൂരമായ മാനസിക-ശാരീരിക പീഡനങ്ങളാണ് ട്വിഷയുടെ മരണത്തിലേക്ക് നയിച്ചതെന്ന് പെൺകുട്ടിയുടെ കുടുംബം ആരോപിച്ചിരുന്നു. സംഭവം ദേശീയതലത്തിൽ വലിയ വാർത്തയായതിനെത്തുടർന്ന് കേസ് അടിയന്തരമായി സി.ബി.ഐക്ക് വിടണമെന്ന ആവശ്യം ശക്തമായിരുന്നു.
Story Summary
The Madhya Pradesh government has proposed transferring the Twisha Sharma death case to the Central Bureau of Investigation (CBI). Twisha, a woman from Noida, died last week following alleged dowry harassment, and the notification for the CBI probe was issued by Home Department Secretary Krishnaveni Desavatu.
