ന്യൂയോർക്ക്: ഗാസയിൽ നിലനിൽക്കുന്ന അതീവ ഗുരുതരമായ സാഹചര്യം അവിടുത്തെ ജനങ്ങളുടെ ശാശ്വതമായ വിഭജനത്തിലേക്ക് നയിക്കുമെന്ന് യുണൈറ്റഡ് സ്റ്റേറ്റ്സ് അധിഷ്ഠിത ബോർഡ് ഓഫ് പീസ് പ്രതിനിധി നിക്കോളായ് മ്ലാഡെനോവ് മുന്നറിയിപ്പ് നൽകി. ഐക്യരാഷ്ട്രസഭാ സുരക്ഷാ കൗൺസിലിൽ (UNSC) സംസാരിക്കവെയാണ് അദ്ദേഹം ഈ ആശങ്ക പങ്കുവെച്ചത് (Gaza Permanent Division Risk). ഗാസയിൽ ശാശ്വത വെടിനിർത്തൽ നടപ്പാക്കുന്നതിനായി ഇസ്രായേലും ഹമാസും പാലിക്കേണ്ട നിർദ്ദേശങ്ങൾ അടങ്ങിയ ഒരു റോഡ്മാപ്പ് അദ്ദേഹം കൗൺസിലിന് മുന്നിൽ സമർപ്പിച്ചു. ഹമാസിനെ നിരായുധരാക്കാൻ സുരക്ഷാ കൗൺസിൽ തങ്ങളുടെ കൈവശമുള്ള എല്ലാ മാർഗ്ഗങ്ങളും ഉപയോഗിക്കണമെന്നും ഒപ്പം ഒക്ടോബറിലെ വെടിനിർത്തൽ കരാർ പ്രകാരമുള്ള ബാധ്യതകൾ നിറവേറ്റാൻ ഇസ്രായേൽ തയ്യാറാകണമെന്നും അദ്ദേഹം ആവശ്യപ്പെട്ടു.
വെടിനിർത്തൽ കരാറുകൾ പൂർണ്ണമായി നടപ്പാക്കുന്നത് ഫലസ്തീന്റെ മാത്രം ഉത്തരവാദിത്തമല്ലെന്ന് ബൾഗേറിയൻ നയതന്ത്രജ്ഞൻ കൂടിയായ മ്ലാഡെനോവ് വ്യക്തമാക്കി. ഗാസയിലെ പകുതിയിലധികം പ്രദേശങ്ങളും ഇപ്പോഴും ഇസ്രായേൽ സൈന്യത്തിന്റെ കർശന നിയന്ത്രണത്തിലാണ്. കഴിഞ്ഞ ഒക്ടോബറിൽ താൽക്കാലിക വെടിനിർത്തൽ പ്രഖ്യാപിച്ചിരുന്നുവെങ്കിലും ഇസ്രായേൽ ആക്രമണങ്ങളും നിയന്ത്രണങ്ങളും ഇപ്പോഴും തുടരുകയാണ്. ഗാസയിലെ ജനങ്ങൾ തകർന്നടിഞ്ഞ അവശിഷ്ടങ്ങൾക്കിടയിൽ ജീവിക്കാൻ നിർബന്ധിതരാവുകയാണെന്നും, ഹമാസ് ആയുധം താഴെവെക്കാതെ പുനർനിർമ്മാണത്തിനുള്ള സാമ്പത്തിക സഹായം എത്തില്ലെന്നും അദ്ദേഹം കൂട്ടിച്ചേർത്തു. ഇറാൻ സംഘർഷത്തിലേക്ക് ആഗോള ശ്രദ്ധ തിരിഞ്ഞതോടെയാണ് ഗാസയിലെ വെടിനിർത്തലിന്റെ രണ്ടാം ഘട്ട ചർച്ചകൾ പ്രതിസന്ധിയിലായത്.
Summary: Nikolay Mladenov, the high representative of the US-founded Board of Peace for Gaza, warned the UN Security Council that the deteriorating status quo in the Palestinian enclave risks creating a “permanent” divide. Presenting a roadmap for a permanent ceasefire, Mladenov urged the UNSC to press Hamas to disarm and hold Israel accountable to its commitments under the October ceasefire.
