കൊച്ചി: ലാൻഡിംഗിനായി കൊച്ചി രാജ്യാന്തര വിമാനത്താവളത്തിൽ എത്തിയ വിമാനം അസാധാരണമാംവിധം താഴ്ന്ന് പറന്നതിനെത്തുടർന്ന് വീടിന് നാശനഷ്ടം. പെരുമ്പാവൂർ ഒക്കൽ നമ്പിള്ളി കവലയ്ക്ക് സമീപമുള്ള മാണിക്കത്താൻ എം.വി. ജോയിയുടെ വീടിനാണ് കേടുപാടുകൾ സംഭവിച്ചത്.(Kochi Low Flying Aircraft Damages Roof Tiles Of House In Perumbavoor)
വീടിന്റെ മേൽക്കൂരയിലെ നൂറ്റിയിരുപതോളം ഓടുകൾ തകർന്ന് താഴേക്ക് വീണതായി വീട്ടുകാർ പരാതിപ്പെട്ടു. വ്യാഴാഴ്ച വൈകിട്ടോടെയായിരുന്നു സംഭവം. നെടുമ്പാശ്ശേരി വിമാനത്താവളത്തിലേക്ക് ഇറങ്ങാൻ എത്തിയ വിമാനം താഴ്ന്ന് പറന്നു പോവുകയായിരുന്നു.
ഇത്തരത്തിൽ നാശനഷ്ടങ്ങൾ ഉണ്ടാക്കുന്നത് ഇത് ആദ്യമായല്ലെന്ന് പ്രദേശവാസികൾ പറയുന്നു. ഈ സംഭവങ്ങളിലെല്ലാം കൃത്യമായി പരാതി നൽകിയിരുന്നുവെന്നും ഇവർ വ്യക്തമാക്കുന്നു.
Story Summary
A house in Perumbavoor near Kochi sustained damage after an aircraft landing at Cochin International Airport (CIAL) flew unusually low. The air pressure uprooted and destroyed around 120 roof tiles of M V Joy’s house. Locals allege that similar incidents have occurred before, but CIAL failed to provide compensation.
