ഋഷികേശ്: ഉത്തരാഖണ്ഡിലെ പ്രശസ്ത വിനോദസഞ്ചാര കേന്ദ്രമായ ഋഷികേശിന് സമീപം വൻ സംഘർഷം (Rishikesh mob violence). പ്രായപൂർത്തിയാകാത്ത പെൺകുട്ടിയെ ശല്യം ചെയ്തെന്നാരോപിച്ച് ഹരിയാനയിൽ നിന്നെത്തിയ വിനോദസഞ്ചാരികളെ നാട്ടുകാർ പൊതുമധ്യത്തിൽ വെച്ച് വസ്ത്രങ്ങൾ ഉരിഞ്ഞ് ക്രൂരമായി മർദ്ദിച്ചു. അക്രമികൾ വിനോദസഞ്ചാരികളുടെ കാർ അടിച്ചുതകർക്കുകയും ചെയ്തു. സംഭവത്തിന്റെ ഞെട്ടിക്കുന്ന ദൃശ്യങ്ങൾ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്.
ഋഷികേശിനടുത്തുള്ള ഒരു ടൂറിസ്റ്റ് സ്പോട്ടിലാണ് സംഭവം നടന്നത്. ഹരിയാന രജിസ്ട്രേഷനിലുള്ള കാറിലെത്തിയ യുവാക്കൾ തദ്ദേശീയയായ പെൺകുട്ടിക്ക് നേരെ മോശം പരാമർശങ്ങൾ നടത്തുകയും ശല്യം ചെയ്യുകയുമായിരുന്നുവെന്ന് പ്രദേശവാസികൾ ആരോപിക്കുന്നു. പെൺകുട്ടി വിവരമറിയിച്ചതിനെ തുടർന്ന് പ്രകോപിതരായി തടിച്ചുകൂടിയ നാട്ടുകാർ വിനോദസഞ്ചാരികളെ വളയുകയായിരുന്നു.
ऋषिकेश उतराखंड में हरियाणा के पर्यटकों को नंगा करके पीटा गया
इन पर आरोप है कि इन्होने नाबालिग लड़की की तरफ गलत ईशारे किये थे pic.twitter.com/wHwuBxhIt3
— ताई रामकली (@haryanvitai) May 21, 2026
തുടർന്ന് യുവാക്കളെ കാറിൽ നിന്നും വലിച്ച് പുറത്തിറക്കി വസ്ത്രങ്ങൾ പൂർണ്ണമായും അഴിപ്പിക്കുകയും വടികളും കൈകളും ഉപയോഗിച്ച് ക്രൂരമായി മർദ്ദിക്കുകയും ചെയ്തു. ഇതിനിടയിൽ ചിലർ ഇവരുടെ കാറിന്റെ ചില്ലുകൾ പൂർണ്ണമായും അടിച്ചുതകർത്തു. വിവരമറിഞ്ഞ് പോലീസ് സംഭവസ്ഥലത്തെത്തിയാണ് വിനോദസഞ്ചാരികളെ നാട്ടുകാരുടെ കൈകളിൽ നിന്നും രക്ഷപെടുത്തിയത്. പെൺകുട്ടിയെ ശല്യം ചെയ്തതിനും പൊതുസ്ഥലത്ത് ക്രമസമാധാന നില തകർത്തതിനും ഇരുവിഭാഗത്തിനുമെതിരെ പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.
Short Story Summary: A group of tourists from Haryana were stripped and brutally assaulted by a mob near Rishikesh, Uttarakhand, for allegedly harassing a minor local girl. The enraged locals intercepted the tourists’ vehicle, dragged them out, stripped them in public, and beat them while also heavily vandalizing their car. The police intervened to rescue the tourists and have launched an investigation into both the alleged harassment and the subsequent mob violence.
