കൊച്ചി: മലയാള സിനിമയും ഇന്ത്യൻ ചലച്ചിത്ര ലോകവും ഒരുപോലെ കാത്തിരുന്ന ജോർജുകുട്ടിയുടെയും കുടുംബത്തിന്റെയും മൂന്നാം വരവ് ഒടുവിൽ യാഥാർത്ഥ്യമാകുന്നു. സൂപ്പർതാരം മോഹൻലാലിന്റെ പിറന്നാൾ ദിനമായ ഇന്ന്, ദൃശ്യം പരമ്പരയിലെ മൂന്നാം ഭാഗം തീയേറ്ററുകളിൽ പ്രദർശനത്തിനെത്തിയിരിക്കുകയാണ്. ആദ്യ ഭാഗം പുറത്തിറങ്ങി വർഷങ്ങൾക്ക് ശേഷമാണ് ചിത്രത്തിന്റെ നിർണായകമായ അവസാന ഭാഗം പ്രേക്ഷകരിലേക്ക് എത്തുന്നത്.(Drishyam 3 Releases Today On Superstar Mohanlal Birthday)
ഒരു സാധാരണ കുടുംബനാഥന്റെ അതിജീവന പോരാട്ടം വരച്ചുകാട്ടിയ ദൃശ്യം, ഇന്ത്യൻ സിനിമയിൽ തന്നെ ഏറ്റവും കൂടുതൽ ഭാഷകളിലേക്ക് റീമേക്ക് ചെയ്യപ്പെട്ട ഒരു പാൻ-ഇന്ത്യൻ പ്രതിഭാസമാണ്. 2013-ൽ ക്രിസ്മസ് റിലീസായി എത്തിയ ആദ്യ ഭാഗം മലയാള ചലച്ചിത്ര ചരിത്രത്തിൽ അതുവരെ കാണാത്ത തീയേറ്റർ വിപ്ലവമാണ് സൃഷ്ടിച്ചത്. നാലാം ക്ലാസ് വിദ്യാഭ്യാസം മാത്രമുള്ള, സിനിമകളെ നെഞ്ചേറ്റിയ കേബിൾ ടിവി ഓപ്പറേറ്റർ ജോർജുകുട്ടി, അബദ്ധത്തിൽ ഒരു കൊലപാതകം ചെയ്യേണ്ടി വന്ന തന്റെ ഭാര്യയെയും മക്കളെയും നിയമത്തിന് വിട്ടുകൊടുക്കാതെ സംരക്ഷിക്കുന്നതായിരുന്നു ആദ്യ ഭാഗത്തിന്റെ ഇതിവൃത്തം. മലയാളത്തിൽ ആദ്യമായി 50 കോടി ക്ലബ്ബിൽ ഇടംനേടിയ ചിത്രം എന്ന റെക്കോർഡും ദൃശ്യം സ്വന്തമാക്കിയിരുന്നു.
എട്ട് വർഷങ്ങൾക്ക് ശേഷം കോവിഡ് കാലത്ത് ഒ.ടി.ടി പ്ലാറ്റ്ഫോമിലൂടെയാണ് ‘ദൃശ്യം 2’ എത്തിയത്. പുതിയ തെളിവുകളുമായി പോലീസ് കേസ് വീണ്ടും തുറക്കുന്നതും ഒടുവിൽ കോടതിയെയും നിയമത്തെയും അമ്പരപ്പിച്ചു കൊണ്ട് ജോർജുകുട്ടി വീണ്ടും രക്ഷപ്പെടുന്നതുമായിരുന്നു രണ്ടാം ഭാഗം. എന്നാൽ, വർഷങ്ങൾ കഴിഞ്ഞിട്ടും വിട്ടുമാറാത്ത ഭയത്തിന്റെ നിഴലിൽ ജീവിക്കുന്ന ജോർജുകുട്ടിയുടെയും കുടുംബത്തിന്റെയും തുടർന്നുള്ള ജീവിതമാണ് ‘ദൃശ്യം 3’ പറയുന്നത്.
Story Summary
On the occasion of superstar Mohanlal’s birthday, the highly anticipated crime thriller ‘Drishyam 3’ hits theaters today, marking 13 years since the franchise first began. The final chapter of this pan-Indian phenomenon follows Georgekutty and his family as they navigate life under the lingering shadow of fear, leaving fans eager to see if he will finally surrender or outsmart the law once again.
