കണ്ണൂർ: സഹകരണ ആശുപത്രിയിൽ ചികിത്സയിലിരിക്കെ മഫ്തി പോലീസുകാരെ ആക്രമിച്ച് രക്ഷപ്പെട്ട സി.പി.എം (CPM) പ്രവർത്തകരായ രണ്ട് പ്രതികളെ പോലീസ് വീണ്ടും പിടികൂടി (Kannur hospital escape case news). പെരളശേരി വടക്കുമ്പാട് സ്വദേശികളായ അമൽ, ജിനേഷ് എന്നിവരെയാണ് കണ്ണൂർ നഗരത്തിൽ വെച്ച് ടൗൺ പോലീസ് അതിസാഹസികമായി പിടികൂടിയത്. പ്രതികളെ ഒളിവിൽ കഴിയാനും രക്ഷപ്പെടാനും സഹായിച്ച ഇവരുടെ സുഹൃത്തുക്കളായ എട്ടുപേർക്കെതിരെയും പോലീസ് കേസെടുത്തിട്ടുണ്ട്. അഴീക്കോട് മൂന്നുനിരത്തിൽ കഴിഞ്ഞദിവസമുണ്ടായ രാഷ്ട്രീയ സംഘർഷത്തിൽ പരിക്കേറ്റതിനെ തുടർന്നാണ് ഇരുവരും കണ്ണൂരിലെ സഹകരണ ആശുപത്രിയിൽ ചികിത്സ തേടിയത്.
അഴീക്കോട്ടെ സംഘർഷത്തിനിടെ ബി.ജെ.പി (BJP) പ്രവർത്തകരെ മാരകമായി ആക്രമിച്ച കേസിൽ ഇവർക്കെതിരെ വളപട്ടണം പോലീസ് നേരത്തെ വധശ്രമത്തിന് കേസെടുത്തിരുന്നു. എന്നാൽ കടുത്ത ശാരീരിക അസ്വസ്ഥതകൾ പ്രകടിപ്പിച്ചതിനാൽ ഇവരുടെ അറസ്റ്റ് രേഖപ്പെടുത്താതെ പോലീസ് നിരീക്ഷണത്തിൽ ആശുപത്രിയിൽ പ്രവേശിപ്പിക്കുകയായിരുന്നു.
തിങ്കളാഴ്ച വൈകീട്ട് 3:15-ഓടെ പ്രതികളെ സന്ദർശിക്കാനെന്ന വ്യാജേന വലിയൊരു സംഘം സുഹൃത്തുക്കൾ ആശുപത്രിയിൽ എത്തി. ഈ സമയം മുറിക്ക് പുറത്ത് കാവലുണ്ടായിരുന്ന മഫ്തി പോലീസുകാരെ ഈ സംഘം ബലമായി തടഞ്ഞു വെക്കുകയും ദേഹോപദ്രവം ഏൽപ്പിക്കുകയും ചെയ്തു. തുടർന്ന് പോലീസിനെ കാഴ്ചക്കാരാക്കി നിർത്തി ഇവർ പ്രതികളുമായി ആശുപത്രിയിൽ നിന്ന് കടന്നുകളയുകയായിരുന്നു.
പ്രതികൾ രക്ഷപ്പെട്ടതിനെ തുടർന്ന് കണ്ണൂർ സിറ്റിയിൽ പോലീസ് വ്യാപകമായ തിരച്ചിൽ നടത്തിവരികയായിരുന്നു. ഒടുവിൽ രഹസ്യവിവരത്തിന്റെ അടിസ്ഥാനത്തിൽ ടൗൺ പോലീസ് നടത്തിയ റെയ്ഡിലാണ് പ്രതികൾ വലയിലായത്. ഇവരെ സഹായിച്ച എട്ട് സുഹൃത്തുക്കൾക്കായി പോലീസ് അന്വേഷണം ഊർജ്ജിതമാക്കിയിട്ടുണ്ട്.
Story Summary (English): Two CPM workers, Amal and Jinesh, who escaped from a cooperative hospital in Kannur by assaulting police personnel in plain clothes, have been re-arrested by the Town Police from Kannur city. The duo was undergoing treatment for injuries sustained during a clash in Azhikode and faced charges for attacking BJP workers. On Monday afternoon, a group of their friends obstructed and assaulted the cops on duty, enabling their escape. The police have also registered a case against eight of their friends for facilitating the escape.
