കാൻ: ആഗോള ഫാഷൻ ലോകം ഉറ്റുനോക്കുന്ന കാൻ ഫിലിം ഫെസ്റ്റിവൽ 2026-ന്റെ (Cannes Film Festival 2026) റെഡ് കാർപെറ്റിൽ പരമ്പരാഗത ഇന്ത്യൻ വേഷമണിഞ്ഞ് ശ്രദ്ധാകേന്ദ്രമായി ഇന്ത്യൻ നടി രുചി ഗുജ്ജർ (Ruchi Gujjar Cannes 2026). രാജസ്ഥാനി ശൈലിയിലുള്ള ആകർഷകമായ പിങ്ക് ലഹങ്കയും ഒപ്പം തലയിലൂടെ ‘ഗൂംഘട്ട്’ (Ghunghat – മുഖം മറയ്ക്കുന്ന രീതിയിലുള്ള മൂടുപടം) ധരിച്ചുമാണ് താരം റെഡ് കാർപെറ്റിൽ എത്തിയത്. പാശ്ചാത്യ ഗൗണുകൾ വെന്നിക്കൊടി പാറിക്കുന്ന കാനിലെ വേദിയിൽ ഇന്ത്യൻ പാരമ്പര്യത്തിന്റെ മനോഹാരിത വിളിച്ചോതുന്നതായിരുന്നു താരത്തിന്റെ ലുക്ക്.
വെള്ളി സെരി (Zari) വർക്കുകളും കണ്ണാടിത്തുണ്ടുകളും പതിപ്പിച്ച കടും പിങ്ക് (Fuchsia) നിറത്തിലുള്ള ലഹങ്കയാണ് രുചി ധരിച്ചിരുന്നത്. പരമ്പരാഗത മാലകൾ, വളകൾ, വലിയ കമ്മലുകൾ, മൂക്കുത്തി എന്നിവ രാജസ്ഥാനി വധുവിന്റെ ലുക്ക് സമ്മാനിച്ചു. “എന്റെ ഗൂംഘട്ട് എന്റെ ആത്മാഭിമാനത്തിന്റെയും ബഹുമാനത്തിന്റെയും പ്രതീകമാണ്, അല്ലാതെ അത് എന്റെ നിശബ്ദതയ്ക്കുള്ള ശിക്ഷയല്ല” എന്ന് താരം തന്റെ ലുക്കിനെക്കുറിച്ച് സോഷ്യൽ മീഡിയയിൽ കുറിച്ചു. പാരമ്പര്യവും സ്ത്രീകളുടെ വ്യക്തിത്വവും തമ്മിലുള്ള വ്യത്യാസത്തെക്കുറിച്ചുള്ള ചർച്ചകൾക്ക് കൂടിയാണ് ഈ വേഷപ്പകർച്ച വഴിതുറന്നത്.
കഴിഞ്ഞ വർഷത്തെ കാൻ മേളയിലും രുചി ഗുജ്ജർ വാർത്തകളിൽ ഇടം നേടിയിരുന്നു. അന്ന് പ്രധാനമന്ത്രി നരേന്ദ്ര മോദിയുടെ ചിത്രം പതിപ്പിച്ച മാല ധരിച്ചാണ് താരം റെഡ് കാർപെറ്റിൽ എത്തിയത്. രാജസ്ഥാനിലെ ജുൻജുനു ജില്ലയിലുള്ള ഒരു സാധാരണ ഗ്രാമത്തിൽ ജനിച്ച രുചി, 2023-ലെ മിസ് ഹരിയാന പട്ടം നേടിയ ശേഷമാണ് പ്രശസ്തയായത്. സ്ത്രീകളെ ജോലിക്കയക്കാൻ മടിക്കുന്ന യാഥാസ്ഥിതിക പശ്ചാത്തലത്തിൽ നിന്ന് മോഡലിംഗ്-അഭിനയ രംഗത്തേക്ക് എത്തിയ രുചിക്ക് ഇൻസ്റ്റാഗ്രാമിൽ 18 ലക്ഷത്തിലധികം ഫോളോവേഴ്സ് ഉണ്ട്.
Short Story Summary: Indian actress and Miss Haryana 2023, Ruchi Gujjar, grabbed global attention at the Cannes Film Festival 2026 red carpet by donning a vibrant fuchsia Rajasthani lehenga complete with a traditional ghunghat-inspired veil. Redefining the cultural attire, she stated that her ghunghat represents pride and respect rather than silence. Hailing from a conservative village in Rajasthan, this isn’t Ruchi’s first viral moment at Cannes; last year, she turned heads for wearing a necklace featuring PM Narendra Modi’s portrait.
