കണ്ണൂർ: നിയമസഭാ തിരഞ്ഞെടുപ്പ് തിരിച്ചടിയെത്തുടർന്ന് ഇടതുമുന്നണി പ്രതിപക്ഷത്തേക്ക് നീങ്ങിയ സാഹചര്യത്തിൽ, പ്രതിപക്ഷ ഉപനേതാവ് സ്ഥാനം വേണമെന്ന ആവശ്യത്തിൽ ഉറച്ചുനിന്ന് സി.പി.ഐ. മുന്നണിയിലെ രണ്ടാമത്തെ വലിയ കക്ഷിയെന്ന നിലയിൽ പാർട്ടിക്ക് ഈ പദവിക്ക് പൂർണ്ണ അർഹതയുണ്ടെന്നും ഉന്നയിച്ച ആവശ്യത്തിൽ നിന്ന് പിന്നോട്ടില്ലെന്നും ബിനോയ് വിശ്വം വ്യക്തമാക്കി.(CPI Demands Deputy Opposition Leader Post Binoy Viswam Slams UDF Over Vande Mataram Row)
പ്രതിപക്ഷ ഉപനേതാവായി ആരെ നിശ്ചയിക്കണമെന്ന കാര്യത്തിൽ പാർട്ടിക്ക് ഉള്ളിൽ ഇതിനകം തന്നെ വ്യക്തമായ ധാരണയായിട്ടുണ്ടെന്നും അദ്ദേഹം കൂട്ടിച്ചേർത്തു. കഴിഞ്ഞ കുറച്ചുകാലമായി ഇടതുമുന്നണി പ്രതിപക്ഷത്തിരുന്നപ്പോഴെല്ലാം സി.പി.എം തന്നെയാണ് പ്രതിപക്ഷ നേതാവ്, ഉപനേതാവ് പദവികൾ ഒരേസമയം കൈവശം വെച്ചിരുന്നത്. എന്നാൽ, പുതിയ രാഷ്ട്രീയ സാഹചര്യത്തിൽ അതിന് മാറ്റം വരണമെന്നാണ് സി.പി.ഐയുടെ ശക്തമായ നിലപാട്.
തങ്ങളുടെ ആവശ്യം തികച്ചും ന്യായമാണെന്നും എൽ.ഡി.എഫിൽ ഇതുസംബന്ധിച്ച ചർച്ചകൾ തുടരുകയാണെന്നും ബിനോയ് വിശ്വം പറഞ്ഞു. സി.പി.ഐക്ക് ആ സ്ഥാനം ലഭിക്കുമെന്നാണ് പ്രതീക്ഷിക്കുന്നത്. കോൺഗ്രസിനെതിരെ സി.പി.ഐ
പുതിയ വി. ഡി. സതീശൻ സർക്കാരിന്റെ സത്യപ്രതിജ്ഞാ ചടങ്ങിൽ ദേശീയഗീതമായ ‘വന്ദേമാതരം’ ആറു വരികളും പൂർണ്ണമായി ആലപിച്ചതിനെ സി.പി.ഐയും കടുത്ത ഭാഷയിൽ വിമർശിച്ചു.
Story Summary
CPI State Secretary Binoy Viswam strongly demanded the Deputy Leader of Opposition post for CPI within the LDF, stating the party has already finalized its candidate and won’t back down. Additionally, he criticized the UDF government for singing ‘Vande Mataram’ in its entirety during the swearing-in ceremony, accusing the Congress of violating its own historical consensus on the matter.
