‘ഈ സർക്കാർ ജനങ്ങളുടെ ശബ്ദമാകും’: VD സതീശന് ആശംസകൾ നേർന്നും KC വേണുഗോപാലിന് പ്രത്യേകം നന്ദി പറഞ്ഞും രാഹുൽ ഗാന്ധി | Rahul Gandhi Congratulates Kerala CM

തിരുവനന്തപുരം: കേരളത്തിൽ ചരിത്ര വിജയം നേടി അധികാരത്തിലെത്തിയ വി.ഡി. സതീശൻ സർക്കാരിന് ഹൃദയം നിറഞ്ഞ ആശംസകളുമായി രാഹുൽ ഗാന്ധി. പുതിയ യു.ഡി.എഫ് സർക്കാരിനെ നയിക്കുക കേരളത്തിലെ ജനങ്ങളുടെ ശബ്ദമായിരിക്കുമെന്ന് അദ്ദേഹം വ്യക്തമാക്കി. തിങ്കളാഴ്ച തിരുവനന്തപുരം സെൻട്രൽ സ്റ്റേഡിയത്തിൽ നടന്ന പ്രൗഢഗംഭീരമായ സത്യപ്രതിജ്ഞാ ചടങ്ങിൽ നേരിട്ട് പങ്കെടുത്തതിന് പിന്നാലെ തന്റെ ഔദ്യോഗിക സോഷ്യൽ മീഡിയ പ്ലാറ്റ്‌ഫോമായ എക്സിലൂടെയാണ് രാഹുൽ ഗാന്ധി തന്റെ പ്രതികരണം അറിയിച്ചത്.(Rahul Gandhi Congratulates Kerala CM VD Satheesan Cabinet UDF Victory KC Venugopal)

The people of Keralam fought for this government. Their voice will guide it.

Warm congratulations to V.D. Satheesan ji and the entire cabinet, who will now represent the voice of every Keralite.

Thanks to K.C. Venugopal ji, who led this campaign from the frontlines.

This… pic.twitter.com/Rbty1zftU8

— Rahul Gandhi (@RahulGandhi) May 18, 2026

കേരളത്തിലെ ജനങ്ങൾ പോരാടി നേടിയെടുത്ത സർക്കാരാണിത്. അവരുടെ ശബ്ദമായിരിക്കും ഈ സർക്കാരിനെ ഇനി മുന്നോട്ട് നയിക്കുക. കേരളത്തിലെ ഓരോ ജനവിഭാഗത്തിന്റെയും ശബ്ദമായി മാറാൻ പോകുന്ന മുഖ്യമന്ത്രി വി.ഡി. സതീശൻ ജിക്കും അദ്ദേഹത്തിന്റെ മന്ത്രിസഭയിലെ മുഴുവൻ അംഗങ്ങൾക്കും എന്റെ ഊഷ്മളമായ ആശംസകൾ, രാഹുൽ ഗാന്ധി കുറിച്ചു.

തെരഞ്ഞെടുപ്പ് പ്രചാരണ രംഗത്ത് മുന്നണിപ്പോരാളിയായി നിന്ന് യു.ഡി.എഫിനെ വിജയത്തിലേക്ക് നയിച്ച എ.ഐ.സി.സി ജനറൽ സെക്രട്ടറി കെ.സി. വേണുഗോപാലിന് രാഹുൽ ഗാന്ധി പ്രത്യേകം നന്ദി രേഖപ്പെടുത്തി. ഈ ഉജ്ജ്വല വിജയം താഴെത്തട്ടിൽ അശ്രാന്തപരിശ്രമം നടത്തിയ ഓരോ യു.ഡി.എഫ് പ്രവർത്തകർക്കും പാർട്ടിക്ക് വേണ്ടി അഹോരാത്രം പണിയെടുത്ത ‘ഡിജിറ്റൽ വാരിയേഴ്സിനും’ സമർപ്പിക്കുന്നതായും അദ്ദേഹം കൂട്ടിച്ചേർത്തു. യഥാർത്ഥ ജനക്ഷേമ ഭരണം കാഴ്ചവെക്കാനുള്ള കഠിനാധ്വാനം ഇന്നുമുതൽ ആരംഭിക്കുകയാണെന്നും രാഹുൽ ഓർമ്മിപ്പിച്ചു.

പത്ത് വർഷത്തെ ഇടവേളയ്ക്ക് ശേഷമാണ് എൽ.ഡി.എഫിനെ പരാജയപ്പെടുത്തി കോൺഗ്രസ് നേതൃത്വത്തിലുള്ള യു.ഡി.എഫ് മുന്നണി സംസ്ഥാനത്ത് അധികാരത്തിൽ തിരിച്ചെത്തുന്നത്. 140 അംഗ നിയമസഭയിൽ 102 സീറ്റുകൾ നേടിയാണ് യു.ഡി.എഫ് ലാൻഡ്‌സ്ലൈഡ് വിക്ടറി സ്വന്തമാക്കിയത്. കോൺഗ്രസ് 63 സീറ്റുകൾ നേടി ഏറ്റവും വലിയ ഒറ്റക്കക്ഷിയായപ്പോൾ ഘടകകക്ഷിയായ മുസ്‌ലിം ലീഗ് 22 സീറ്റുകളിൽ വിജയിച്ചു. ഭരണവിരുദ്ധ തരംഗത്തിൽ എൽ.ഡി.എഫ് 35 സീറ്റുകളിലേക്ക് ഒതുങ്ങിയപ്പോൾ ബി.ജെ.പി മൂന്ന് മണ്ഡലങ്ങളിൽ വിജയം ഉറപ്പിച്ചു. സെൻട്രൽ സ്റ്റേഡിയത്തിൽ നടന്ന ചടങ്ങിൽ മുഖ്യമന്ത്രി വി.ഡി. സതീശനും മറ്റ് 20 മന്ത്രിമാരും ഗവർണർ രാജേന്ദ്ര വിശ്വനാഥ് ആർലേക്കർ മുൻപാകെ സത്യപ്രതിജ്ഞ ചെയ്ത് അധികാരമേറ്റിരുന്നു. വന്ദേമാതരത്തിനും തുടർന്ന് ദേശീയഗാനാലാപനത്തിനും ശേഷമാണ് ചടങ്ങുകൾ അവസാനിച്ചത്.

Story Summary

Lok Sabha Leader of Opposition Rahul Gandhi congratulated Chief Minister VD Satheesan and the newly sworn-in Kerala Cabinet, stating that the UDF government will be guided by the voice of the people. He also extended special thanks to AICC General Secretary KC Venugopal and party workers for the historic victory.