ധർമ്മശാല: മുംബൈ ഇന്ത്യൻസ് താരം തിലക് വർമയ്ക്കെതിരെ പഞ്ചാബ് കിങ്സ് പേസർ അർഷ്ദീപ് സിംഗ് നടത്തിയ പരാമർശം ഐപിഎൽ 2026-ൽ വലിയ വിവാദത്തിന് തിരികൊളുത്തിയിരിക്കുകയാണ് (Arshdeep Singh Racism Row). കഴിഞ്ഞ വ്യാഴാഴ്ച നടന്ന പഞ്ചാബ്-മുംബൈ മത്സരത്തിന് മുന്നോടിയായി പുറത്തുവന്ന വീഡിയോയിൽ അർഷ്ദീപ് തിലക് വർമയെ “ഒയ് അന്ധേരേ” (Oi, Andhere – അർത്ഥം: ഇരുട്ടേ) എന്ന് വിളിച്ചതാണ് സോഷ്യൽ മീഡിയയിൽ പ്രതിഷേധത്തിന് കാരണമായത്.
സോഷ്യൽ മീഡിയയിൽ പ്രചരിച്ച വീഡിയോയിൽ, അർഷ്ദീപ് തിലക് വർമയെ അസാധാരണമായ ഈ വാക്ക് ഉപയോഗിച്ച് വിളിക്കുന്നത് വ്യക്തമായി കേൾക്കാം. ഈ പ്രയോഗത്തിന് വംശീയമായ അർത്ഥതലങ്ങളുണ്ടെന്ന് ചൂണ്ടിക്കാട്ടി നിരവധി ആരാധകർ രംഗത്തെത്തി. തിലക് വർമയും അർഷ്ദീപും അടുത്ത സുഹൃത്തുക്കളാണെങ്കിലും, പൊതുവിടത്തിൽ ഇത്തരം വംശീയ ചുവയുള്ള വാക്കുകൾ ഉപയോഗിക്കുന്നത് തെറ്റായ സന്ദേശം നൽകുമെന്ന് സോഷ്യൽ മീഡിയ ഉപയോക്താക്കൾ വിമർശിച്ചു.
വിവാദങ്ങൾക്കിടയിലും മത്സരത്തിൽ തിലക് വർമ മിന്നും പ്രകടനമാണ് കാഴ്ചവെച്ചത്. 33 പന്തിൽ 75 റൺസുമായി തിലക് വർമ പുറത്താകാതെ നിന്നപ്പോൾ പഞ്ചാബ് കിങ്സിനെതിരെ ആറ് വിക്കറ്റ് ജയം മുംബൈ ഇന്ത്യൻസ് സ്വന്തമാക്കി. 201 റൺസ് വിജയലക്ഷ്യം പിന്തുടർന്ന മുംബൈയ്ക്ക് വേണ്ടി റയാൻ റിക്കൽട്ടൺ (48), വിൽ ജാക്സ് (25) എന്നിവരും മികച്ച പ്രകടനം നടത്തി. പഞ്ചാബ് കിങ്സിന്റെ തുടർച്ചയായ അഞ്ചാം തോൽവിയായിരുന്നു ഇത്.
Honestly, this is ridiculous. Arshdeep singh is clearly mocking Tilak Varma in this video.
One day this kind of behaviour on social media is going to put him in a really tough spot. Yuzi Chahal is the perfect example of how quickly things can backfire. 😬 pic.twitter.com/FxB4EADF4E— Vipin Tiwari (@Vipintiwari952) May 14, 2026
നേരത്തെ പ്രഭ്സിമ്രാൻ സിംഗിന്റെ അർദ്ധ സെഞ്ചുറി കരുത്തിലാണ് പഞ്ചാബ് 200 റൺസ് എന്ന മികച്ച സ്കോറിലെത്തിയത്. എന്നാൽ അവസാന ഓവറുകളിൽ വിൽ ജാക്സും തിലക് വർമയും ചേർന്ന് നടത്തിയ വെടിക്കെട്ട് മുംബൈയ്ക്ക് വിജയം സമ്മാനിച്ചു. അർഷ്ദീപ് എറിഞ്ഞ 19-ാം ഓവറിൽ 13 റൺസും അവസാന ഓവറിൽ 19 റൺസും വഴങ്ങിയതാണ് പഞ്ചാബിന് തിരിച്ചടിയായത്.
Summary: Punjab Kings pacer Arshdeep Singh faced backlash on social media for calling Mumbai Indians’ Tilak Varma “andhere” (darkness) in a viral video. While the two players share a good camaraderie, fans pointed out the racial connotations of the remark. On the field, Tilak Varma silenced critics with a heroic 75* off 33 balls, leading MI to a 6-wicket victory over PBKS.
