ന്യൂഡൽഹി: ചോദ്യപേപ്പർ ചോർച്ചാ വിവാദത്തെത്തുടർന്ന് റദ്ദാക്കിയ നീറ്റ് യുജി 2026 പരീക്ഷയുടെ പുതുക്കിയ തീയതി നാഷണൽ ടെസ്റ്റിംഗ് ഏജൻസി പ്രഖ്യാപിച്ചു. ജൂൺ 21 ഞായറാഴ്ച രാജ്യവ്യാപകമായി പുനഃപരീക്ഷ നടത്തുമെന്ന് എൻടിഎ അറിയിച്ചു. പരീക്ഷാ തീയതി സംബന്ധിച്ച് അനിശ്ചിതത്വത്തിലായിരുന്ന 22 ലക്ഷത്തോളം വരുന്ന മെഡിക്കൽ പ്രവേശന പരീക്ഷാ ഉദ്യോഗാർത്ഥികൾക്ക് വലിയ ആശ്വാസമാണ് ഈ തീരുമാനം.(NEET UG 2026 Re-exam Date, NTA Announces NEET UG 2026 Re Exam Date Following Paper Leak Controversy)
മെയ് 3-ന് നടന്ന നീറ്റ് പരീക്ഷ ചോദ്യപേപ്പർ ചോർന്നെന്ന ആരോപണത്തെത്തുടർന്ന് മെയ് 12-നാണ് എൻടിഎ റദ്ദാക്കിയത്. കേന്ദ്ര സർക്കാരിന്റെ അനുമതിയോടെയാണ് ജൂൺ 21-ന് പരീക്ഷ നടത്താൻ തീരുമാനിച്ചതെന്ന് എൻടിഎ തങ്ങളുടെ ഔദ്യോഗിക എക്സ് ഹാൻഡിലിലൂടെ വ്യക്തമാക്കി.
പരീക്ഷാ കേന്ദ്രങ്ങൾ, അഡ്മിറ്റ് കാർഡ് എന്നിവയുമായി ബന്ധപ്പെട്ട കൂടുതൽ വിവരങ്ങൾ വരും ദിവസങ്ങളിൽ ഔദ്യോഗിക വെബ്സൈറ്റ് വഴി ലഭ്യമാക്കും. പരീക്ഷാ സംബന്ധമായ വിവരങ്ങൾക്കായി ഔദ്യോഗിക വാർത്താ വിതരണ മാർഗ്ഗങ്ങളെ മാത്രം ആശ്രയിക്കണമെന്ന് എൻടിഎ ഉദ്യോഗാർത്ഥികളോടും രക്ഷിതാക്കളോടും അഭ്യർത്ഥിച്ചു. പരീക്ഷാ തീയതി മാറിയതോടെ രാജ്യത്തെ മെഡിക്കൽ പ്രവേശന നടപടികളിലും മാറ്റം വരാൻ സാധ്യതയുണ്ട്.
Story Summary
The National Testing Agency (NTA) has scheduled the NEET-UG 2026 re-examination for June 21, following the cancellation of the original May 3 exam due to paper leak allegations. Over 22 lakh medical aspirants can now find clarity on the fresh schedule, with the NTA advising candidates to follow official channels for further updates.
