സുരേന്ദ്രനഗർ: ഗുജറാത്തിലെ സുരേന്ദ്രനഗർ ജില്ലയിൽ ആഡംബര ബസ് ടാങ്കറുമായി കൂട്ടിയിടിച്ച് തീപിടിച്ച് നാല് യാത്രക്കാർ മരിച്ചു. വ്യാഴാഴ്ച പുലർച്ചെ 2.30-ഓടെ ചോറ്റില-രാജ്കോട്ട് ദേശീയ പാതയിൽ സാംഗാനി ഗ്രാമത്തിന് സമീപമാണ് അപകടമുണ്ടായത്. പത്ത് പേർക്ക് ഗുരുതരമായി പരിക്കേറ്റു. (Gujarat Bus Accident)
അഹമ്മദാബാദിൽ നിന്ന് രാജ്കോട്ടിലേക്ക് പോവുകയായിരുന്ന സ്വകാര്യ ആഡംബര ബസ്സാണ് അപകടത്തിൽപ്പെട്ടത്. മുന്നിൽ പോവുകയായിരുന്ന ടാങ്കറിന്റെ ടയർ പൊട്ടി നിയന്ത്രണം നഷ്ടമായതോടെ ബസ് പിന്നിൽ വന്ന് ഇടിക്കുകയായിരുന്നു. കൂട്ടിയിടിയുടെ ആഘാതത്തിൽ നിമിഷങ്ങൾക്കകം ഇരു വാഹനങ്ങൾക്കും തീപിടിച്ചു. ബസ്സിൽ ഏകദേശം 40 യാത്രക്കാരുണ്ടായിരുന്നു.
തീ അതിവേഗം പടർന്നതോടെ യാത്രക്കാർ പരിഭ്രാന്തരായി പുറത്തേക്ക് ഓടി. പരിക്കേറ്റവരെ ഉടൻ തന്നെ രാജ്കോട്ട് സിവിൽ ആശുപത്രിയിൽ പ്രവേശിപ്പിച്ചു. ഫയർഫോഴ്സ് സംഘം സ്ഥലത്തെത്തിയാണ് തീ നിയന്ത്രണവിധേയമാക്കിയത്. ടാങ്കറിൽ എന്ത് വസ്തുവായിരുന്നു കൊണ്ടുപോയിരുന്നതെന്ന് പോലീസ് അന്വേഷിച്ചു വരികയാണ്.
Summary: Four passengers were burnt to death and ten others injured after a private luxury bus caught fire following a collision with a tanker in Gujarat’s Surendranagar district. The accident occurred early Thursday morning when the tanker’s tyre burst, causing the bus to ram into it from behind. Both vehicles were engulfed in flames within seconds. The injured are currently receiving treatment at Rajkot Civil Hospital.
