തൃശൂർ: സി.പി.എം നേതാവ് പി. ജയരാജൻ കൊടുങ്ങല്ലൂർ ക്ഷേത്രത്തിൽ എത്തിയത് രാഷ്ട്രീയ വിവാദത്തിന് വഴിയൊരുക്കി. ജയരാജൻ ക്ഷേത്രത്തിലെത്തിയ ദൃശ്യങ്ങൾ പുറത്തുവിട്ടതോടെയാണ് ആരോപണ പ്രത്യാരോപണങ്ങൾ തുടങ്ങിയത്. എന്നാൽ ക്ഷേത്രത്തിൽ കയറി അദ്ദേഹം ദർശനം നടത്തിയില്ല എന്നാണ് വിവരം.(P Jayarajan Kodungallur Temple Visit Political Controversy BJP CPM)
പി. ജയരാജൻ ക്ഷേത്രത്തിൽ ദർശനം നടത്താനാണ് എത്തിയതെന്ന് ബി.ജെ.പി ആരോപിച്ചു. ക്ഷേത്രത്തിലെത്തിയ ജയരാജനെ ആളുകൾ തിരിച്ചറിയുകയും വീഡിയോ ചിത്രീകരിക്കുകയും ചെയ്തതോടെ, ദർശനം ഒഴിവാക്കുകയായിരുന്നുവെന്നാണ് ബി.ജെ.പിയുടെ വാദം.
താൻ ക്ഷേത്രത്തിലെത്തിയത് പുസ്തകത്തിന്റെ രചനയുമായി ബന്ധപ്പെട്ട പഠനത്തിനാണെന്ന് പി. ജയരാജൻ വ്യക്തമാക്കി. കൊടുങ്ങല്ലൂർ കാവിനെക്കുറിച്ച് വിവരങ്ങൾ ശേഖരിക്കാനാണ് എത്തിയതെന്നും അദ്ദേഹം പറഞ്ഞു. ദേവസ്വം ബോർഡ് ഉദ്യോഗസ്ഥരും ഇതേ വിശദീകരണമാണ് നൽകിയത്. ചരിത്രപരമായ വിവരങ്ങൾ ശേഖരിക്കാനാണ് അദ്ദേഹം എത്തിയതെന്ന് ഉദ്യോഗസ്ഥർ പറഞ്ഞു.
Story Summary
CPM leader P Jayarajan’s visit to Kodungallur temple sparked a political row. While BJP alleged he came for worship but backed out due to public attention, Jayarajan clarified the visit was part of research for his upcoming book ‘Sanathanikalude Hindutva Vazhikal’.
