തിരുവനന്തപുരം: കേരള നിയമസഭാ തിരഞ്ഞെടുപ്പിൽ 102 സീറ്റുകൾ നേടി യുഡിഎഫ് ചരിത്ര വിജയം കുറിച്ചതിന് പിന്നാലെ, പ്രവർത്തകർക്ക് കർശന നിർദ്ദേശങ്ങളുമായി വി.ഡി. സതീശൻ (Kerala Election Results 2026). കോൺഗ്രസിന്റെയും യുഡിഎഫിന്റെയും ചരിത്രത്തിലെ ഏറ്റവും വലിയ വിജയമാണിതെന്ന് അദ്ദേഹം വിശേഷിപ്പിച്ചു. എന്നാൽ, ഈ സന്തോഷനിമിഷത്തിൽ പാർട്ടിക്കും മുന്നണിക്കും അവമതിപ്പുണ്ടാക്കുന്ന തരത്തിലുള്ള പ്രവർത്തനങ്ങൾ ആരുടെ ഭാഗത്തുനിന്നും ഉണ്ടാകരുതെന്ന് അദ്ദേഹം ഓർമ്മിപ്പിച്ചു.
മുഖ്യമന്ത്രിയെ തീരുമാനിക്കുന്നതിനായുള്ള എഐസിസി നടപടികൾ പുരോഗമിക്കുകയാണ്. ഈ സാഹചര്യത്തിൽ നേതാക്കൾക്കും പ്രവർത്തകർക്കും ഇടയിൽ ചേരിതിരിഞ്ഞുള്ള പ്രകടനങ്ങൾ പാടില്ല. ഇഷ്ട നേതാക്കൾക്കായി ഫ്ളക്സ് ബോർഡുകൾ സ്ഥാപിക്കുന്നതും സമൂഹമാധ്യമങ്ങളിലൂടെയുള്ള വ്യക്തിപരമായ പ്രചാരണങ്ങളും ഒഴിവാക്കണം.
ജനവിധി വിനയത്തോടെ സ്വീകരിക്കണം. പൊതുജനങ്ങൾക്ക് ബുദ്ധിമുട്ടുണ്ടാക്കുന്ന രീതിയിലുള്ള ആഘോഷങ്ങൾ ഒഴിവാക്കി പാർട്ടിയുടെ അന്തസ്സ് കാത്തുസൂക്ഷിക്കണമെന്നും അദ്ദേഹം ആവശ്യപ്പെട്ടു.
യുഡിഎഫ് നിയമസഭാ കക്ഷി നേതാവിനെ തിരഞ്ഞെടുക്കുന്നതിനുള്ള ആദ്യഘട്ട നടപടികൾ പൂർത്തിയായതായും, ഹൈക്കമാൻഡ് നിരീക്ഷകർ ഉടൻ തന്നെ എംഎൽഎമാരുടെ അഭിപ്രായം തേടുമെന്നും വി.ഡി. സതീശൻ അറിയിച്ചു.
Story Summary: Following UDF’s historic win of 102 seats in the 2026 Kerala Assembly elections, V.D. Satheesan has urged party workers to maintain discipline. He requested supporters to avoid factional demonstrations and the installation of flex boards for individual leaders while the AICC proceeds with selecting the parliamentary party leader.
