ഗുവാഹത്തി: അസമിലെ വെസ്റ്റ് കർബി ആംഗ്ലോങ് ജില്ലയിൽ 19 വയസ്സുകാരി സ്വന്തം മാതാവിനെ തലയറുത്ത് കൊലപ്പെടുത്തി (Assam Teen Beheads Mother). ബുധനാഴ്ച നടന്ന സംഭവത്തിൽ ദേരാമുഖ് ലാലുങ് ഗ്രാമവാസിയായ പൂജ മലംഗ് ആണ് തന്റെ 42 വയസ്സുകാരിയായ അമ്മ അനുമായി മലംഗിനെ ‘ദാവോ’ (അരിവാൾ പോലുള്ള ആയുധം) ഉപയോഗിച്ച് ക്രൂരമായി കൊലപ്പെടുത്തിയത്. അമ്മയെ രക്ഷിക്കാൻ ശ്രമിച്ച പിതാവ് പ്രേമേന്ദ്ര മലംഗിനും സഹോദരിക്കും നേരെയും പൂജ ആക്രമണം നടത്തി. ഇരുവരും ഗുരുതരമായ പരിക്കുകളോടെ ചികിത്സയിലാണ്.
കൊലപാതകത്തിന് ശേഷം അമ്മയുടെ അറുത്തെടുത്ത തലയുമായി ഓടി രക്ഷപ്പെട്ട പൂജ രാത്രി മുഴുവൻ അത് കൈവശം വെച്ചതായും അടുത്ത ദിവസം പോലീസ് അറസ്റ്റ് ചെയ്തതായും ഉദ്യോഗസ്ഥർ അറിയിച്ചു. കുടുംബാംഗങ്ങൾ തമ്മിൽ യാതൊരുവിധ തർക്കങ്ങളും നിലനിന്നിരുന്നില്ലെന്ന് പോലീസ് പറഞ്ഞു. പ്രതി ലഹരിമരുന്നിന് അടിമയായിരുന്നോ അതോ മന്ത്രവാദത്തിന്റെ ഭാഗമാണോ കൊലപാതകം നടത്തിയത് എന്ന കാര്യത്തിൽ അന്വേഷണം പുരോഗമിക്കുകയാണ്.
പൂജയെ അറസ്റ്റ് ചെയ്ത സ്ഥലത്തുനിന്ന് അരിവാൾ, കത്രിക എന്നിവയ്ക്കൊപ്പം എണ്ണ, സിന്ദൂരം, മൺപാത്രം തുടങ്ങിയ പൂജാസാമഗ്രികളും പോലീസ് കണ്ടെടുത്തിട്ടുണ്ട്. ഇതാണ് കൊലപാതകത്തിന് പിന്നിൽ അന്ധവിശ്വാസമോ മന്ത്രവാദമോ ഉണ്ടെന്ന സംശയത്തിന് ബലമേകുന്നത്. കൊലപാതകം, മാരകായുധങ്ങൾ ഉപയോഗിച്ച് പരിക്കേൽപ്പിക്കൽ എന്നീ കുറ്റങ്ങൾ ചുമത്തിയാണ് പൂജയ്ക്കെതിരെ കേസെടുത്തിരിക്കുന്നത്.
Summary: A 19-year-old woman in Assam’s West Karbi Anglong district allegedly beheaded her mother and spent the night with the severed head. She also seriously injured her father and sister during the attack. Police recovered ritualistic items from the arrest site, raising suspicions of black magic or substance abuse. The motive remains under investigation.
