ഭോപ്പാൽ: മധ്യപ്രദേശിലെ രാജ്ഗഢ് (Rajgarh) ജില്ലയിൽ റോഡിലൂടെ നടന്നുപോവുകയായിരുന്ന യുവതിയെ തെരുവ് കാള ക്രൂരമായി ആക്രമിച്ചു (Stray bull attacks woman Rajgarh MP0. കാളയുടെ കുത്തേറ്റ യുവതി വായുവിൽ ഉയർന്ന് റോഡിലേക്ക് ദാരുണമായി തെറിച്ചുവീഴുന്നതിന്റെ ഞെട്ടിക്കുന്ന സിസിടിവി (CCTV) ദൃശ്യങ്ങൾ പുറത്തുവന്നു. കടുത്ത പരിക്കുകളോടെ യുവതിയെ സമീപത്തെ ആശുപത്രിയിൽ പ്രവേശിപ്പിച്ചിരിക്കുകയാണ്.
യുവതി റോഡിന്റെ ഒരു വശത്തുക്കൂടെ സാധാരണ രീതിയിൽ നടന്നുപോകുന്നതിനിടയിലാണ് തെരുവിൽ നിന്നിരുന്ന കാള പെട്ടെന്ന് പ്രകോപിതനായി പിന്നാലെയെത്തി ആക്രമിച്ചത്. ശക്തമായ കുത്തേറ്റ യുവതി റോഡിലേക്ക് വീണതിന് ശേഷവും കാള വീണ്ടും ആക്രമിക്കാൻ തുനിഞ്ഞെങ്കിലും, പരിസരത്തുണ്ടായിരുന്ന നാട്ടുകാർ ഓടിക്കൂടി ബഹളം വെച്ചും വടികൾ ഉപയോഗിച്ചുമാണ് കാളയെ ഓടിച്ചത്. നാട്ടുകാരുടെ പെട്ടെന്നുള്ള ഇടപെടൽ മൂലമാണ് യുവതിയുടെ ജീവൻ രക്ഷിക്കാനായത്.
मध्य प्रदेश सड़क पर चल रही लड़की पर अचानक आवारा सांड ने किया हमला लड़की गंभीर रूप से घायल pic.twitter.com/Egmy01mGPb
— Lokmanchtoday (@lokmanchtoday) June 25, 2026
ഈ പ്രദേശത്ത് തെരുവ് മൃഗങ്ങളുടെ ശല്യം അനിയന്ത്രിതമായി വർദ്ധിച്ചുവരികയാണെന്ന് പ്രാദേശികവാസികൾ ആരോപിക്കുന്നു. മുൻപും സമാനമായ രീതിയിൽ കാളകളുടെയും തെരുവ് നായ്ക്കളുടെയും ആക്രമണങ്ങൾ ഇവിടെ റിപ്പോർട്ട് ചെയ്യപ്പെട്ടിട്ടുണ്ട്. നഗരസഭ അധികൃതർക്ക് പലതവണ പരാതി നൽകിയിട്ടും തെരുവ് മൃഗങ്ങളെ പുനരധിവസിപ്പിക്കുന്നതിനോ ജനങ്ങളുടെ സുരക്ഷ ഉറപ്പാക്കുന്നതിനോ യാതൊരു നടപടിയും ഉണ്ടായിട്ടില്ലെന്ന് നാട്ടുകാർ പ്രതിഷേധത്തോടെ വ്യക്തമാക്കി. സംഭവത്തിന്റെ വീഡിയോ ദൃശ്യങ്ങൾ പുറത്തുവന്നതോടെ അധികൃതർക്കെതിരെ വൻ ജനരോഷമാണ് ഉയരുന്നത്.
