കൊച്ചി: ഫെഫ്കയുടെ ജനറൽ സെക്രട്ടറി സ്ഥാനത്തുനിന്ന് സംവിധായകൻ ബി. ഉണ്ണികൃഷ്ണൻ രാജിവെച്ചു. വ്യക്തിപരമായ കാരണങ്ങളാലാണ് സ്ഥാനമൊഴിയുന്നതെന്നാണ് അദ്ദേഹം സംഘടനയെ അറിയിച്ചിരിക്കുന്നത്. (B Unnikrishnan resigns as FEFKA General Secretary)
ഏറെക്കാലമായി സംഘടനയുടെ നേതൃസ്ഥാനത്തുള്ള അദ്ദേഹം, പുതിയ നേതൃത്വം വരട്ടെ എന്ന നിലപാടിലാണ് രാജി സമർപ്പിച്ചിരിക്കുന്നത്. വ്യക്തിപരമായ കാരണങ്ങളാൽ പദവിയിൽ നിന്ന് മാറുന്നു എന്നാണ് ബി. ഉണ്ണികൃഷ്ണൻ വ്യക്തമാക്കിയത്.
പുതിയ ആളുകൾ സംഘടനയുടെ നേതൃത്വത്തിലേക്ക് വരണമെന്നും അദ്ദേഹം ആഗ്രഹം പ്രകടിപ്പിച്ചു. ബി. ഉണ്ണികൃഷ്ണന്റെ രാജി കത്ത് ലഭിച്ചിട്ടുണ്ടെങ്കിലും ഫെഫ്ക ജനറൽ കൗൺസിൽ ഇത് ഇതുവരെ അംഗീകരിച്ചിട്ടില്ല.
