മുംബൈ ഇന്ത്യൻസിന് കനത്ത തിരിച്ചടി; രോഹിത് ശർമ്മ അടുത്ത രണ്ട് മത്സരങ്ങളിൽ കളിച്ചേക്കില്ല | Rohit Sharma Hamstring Injury

മുംബൈ: ഐപിഎൽ 2026-ൽ മോശം ഫോമിലൂടെ കടന്നുപോകുന്ന മുംബൈ ഇന്ത്യൻസിന് വീണ്ടും പ്രഹരം. ടീമിന്റെ സ്റ്റാർ ഓപ്പണർ രോഹിത് ശർമ്മയ്ക്ക് പരിക്കേറ്റതിനെത്തുടർന്ന് അടുത്ത രണ്ട് മത്സരങ്ങൾ നഷ്ടമായേക്കുമെന്ന് റിപ്പോർട്ടുകൾ ( Rohit Sharma Hamstring Injury). ഞായറാഴ്ച റോയൽ ചലഞ്ചേഴ്‌സ് ബെംഗളൂരുവിനെതിരെയുള്ള മത്സരത്തിനിടെ ഹാംസ്ട്രിംഗ് ഇഞ്ചുറി അനുഭവപ്പെട്ട രോഹിത് പാതിവഴിയിൽ ബാറ്റിംഗ് അവസാനിപ്പിച്ച് മടങ്ങിയിരുന്നു.

രോഹിത്തിന്റെ അഭാവത്തിൽ ആർസിബിക്കെതിരായ മത്സരത്തിൽ മുംബൈ 18 റൺസിന് പരാജയപ്പെട്ടിരുന്നു. ഏപ്രിൽ 16-ന് പഞ്ചാബ് കിങ്‌സിനെതിരെയും ഏപ്രിൽ 20-ന് ഗുജറാത്ത് ടൈറ്റൻസിനെതിരെയുമാണ് മുംബൈയുടെ അടുത്ത പോരാട്ടങ്ങൾ. ഈ രണ്ട് മത്സരങ്ങളിലും രോഹിത് കളിക്കാൻ സാധ്യതയില്ലെന്നാണ് സൂചന. ഈ സീസണിൽ കളിച്ച നാല് മത്സരങ്ങളിൽ നിന്നായി 45.67 ശരാശരിയിൽ 137 റൺസ് രോഹിത് നേടിയിട്ടുണ്ട്. ഒരു അർദ്ധ സെഞ്ച്വറിയും ഇതിൽ ഉൾപ്പെടുന്നു. ആദ്യ മത്സരത്തിൽ കൊൽക്കത്ത നൈറ്റ് റൈഡേഴ്സിനെ തോൽപ്പിച്ച് ശുഭപ്രതീക്ഷയോടെ തുടങ്ങിയ മുംബൈയ്ക്ക് പിന്നീട് തുടർച്ചയായ മൂന്ന് മത്സരങ്ങളിൽ തോൽവി ഏറ്റുവാങ്ങേണ്ടി വന്നു. ജസ്പ്രീത് ബുംറ വിക്കറ്റുകൾ കണ്ടെത്താൻ പ്രയാസപ്പെടുന്നതും ഹാർദിക് പാണ്ഡ്യയുടെ നേതൃത്വത്തിലുള്ള ബൗളിംഗ് നിരയുടെ നിറം മങ്ങിയ പ്രകടനവും ടീമിനെ വലയ്ക്കുന്നുണ്ട്.

രോഹിത് ശർമ്മയെപ്പോലെയുള്ള ഒരു സീനിയർ താരത്തിന്റെ അഭാവം മുംബൈയുടെ മുന്നേറ്റത്തെ ബാധിക്കുമോ എന്ന ആശങ്കയിലാണ് ആരാധകർ. വരാനിരിക്കുന്ന മത്സരങ്ങളിൽ ശക്തമായ തിരിച്ചുവരവ് നടത്താൻ ഹാർദിക്കിനും സംഘത്തിനും വലിയ പോരാട്ടം തന്നെ കാഴ്ചവെക്കേണ്ടി വരും.

Summary: Mumbai Indians star opener Rohit Sharma is likely to miss the next two IPL 2026 matches due to a hamstring injury sustained during the clash against RCB. Rohit was forced to retire hurt, and his absence was felt as MI lost the game by 18 runs. With crucial matches against Punjab Kings and Gujarat Titans coming up, MI faces a tough challenge to revive their campaign after three consecutive losses. Additionally, concerns remain over ace pacer Jasprit Bumrah’s wicketless run so far this season.