കൊല്ലം: പത്തനാപുരത്ത് മികച്ച ഭൂരിപക്ഷത്തിൽ വിജയിക്കുമെന്നും കേരളത്തിൽ എൽഡിഎഫ് ഭരണത്തുടർച്ച ഉറപ്പാണെന്നും കെ.ബി. ഗണേഷ്കുമാർ. തനിക്കാണ് വോട്ട് ചെയ്തതെന്ന് വോട്ടർമാർ നേരിട്ട് വന്നു പറഞ്ഞതായും മണ്ഡലത്തിൽ കടുത്ത മത്സരം അനുഭവപ്പെട്ടില്ലെന്നും അദ്ദേഹം അവകാശപ്പെട്ടു.(Even if Rahul Gandhi comes, the order cannot be overturned, KB Ganesh Kumar on vehicle modification)
വി.ഡി. സതീശൻ പറഞ്ഞ കാര്യങ്ങളൊന്നും സത്യമായിട്ടില്ലെന്നും അദ്ദേഹം ‘തള്ളലിന്റെ ആശാൻ’ ആണെന്നും ഗണേഷ്കുമാർ പരിഹസിച്ചു. രാഹുൽ ഗാന്ധിയുടെയും യുഡിഎഫിന്റെയും വാഗ്ദാനങ്ങൾ കേരളത്തെ നശിപ്പിക്കുന്നതാണ്. വയനാട്ടിൽ ഒരു വീട് പോലും വെച്ചുകൊടുക്കാൻ പറ്റാത്ത കോൺഗ്രസാണോ കേരളം ഭരിക്കാൻ പോകുന്നതെന്നും അദ്ദേഹം ചോദിച്ചു.
യുഡിഎഫ് അധികാരത്തിൽ വന്നാൽ വാഹനങ്ങളുടെ രൂപമാറ്റം അനുവദിക്കുമെന്ന സതീശന്റെ പ്രസ്താവന പ്രായോഗികമല്ല. കേന്ദ്ര നിയമത്തെയോ കോടതി ഉത്തരവിനെയോ മറികടക്കാൻ സതീശനല്ല, രാഹുൽ ഗാന്ധി വന്നാലും സാധിക്കില്ലെന്ന് മുൻ ഗതാഗതമന്ത്രി കൂടിയായ ഗണേഷ്കുമാർ വ്യക്തമാക്കി.
