ധാക്ക: ബംഗ്ലാദേശിൽ അതീവ ഗുരുതരമായ രീതിയിൽ അഞ്ചാംപനി പടർന്നുപിടിക്കുന്നു. മാർച്ച് 15-ന് ശേഷം മാത്രം 143 പേർ ഈ രോഗം ബാധിച്ച് മരിച്ചു. മരിച്ചവരിൽ ഭൂരിഭാഗവും കുട്ടികളാണ് (Bangladesh Measles Outbreak). കഴിഞ്ഞ 20 വർഷത്തിനിടയിലെ ഏറ്റവും വലിയ ആരോഗ്യപ്രതിസന്ധിയാണ് രാജ്യം ഇപ്പോൾ നേരിടുന്നത്. നിലവിൽ 12,000-ത്തിലധികം ആളുകൾക്ക് രോഗബാധ സംശയിക്കുന്നുണ്ട്.
തലസ്ഥാനമായ ധാക്കയിലെ കൊവിഡ് ചികിത്സയ്ക്കായി സജ്ജീകരിച്ചിരുന്ന ഡിഎൻസിസി ആശുപത്രി ഇപ്പോൾ അഞ്ചാംപനി ബാധിച്ച കുഞ്ഞുങ്ങളെക്കൊണ്ട് നിറഞ്ഞിരിക്കുകയാണ്. ശ്വസിക്കാൻ പ്രയാസപ്പെടുന്ന കുഞ്ഞുങ്ങളും ശരീരമാകെ ചുവന്ന പാടുകൾ വന്ന് വേദന കൊണ്ട് കരയുന്ന കുട്ടികളുമാണ് വാർഡുകളിലെ ദയനീയ കാഴ്ച്ചയാണ്. 2024-ൽ നടക്കേണ്ടിയിരുന്ന വാക്സിനേഷൻ ഡ്രൈവ് രാജ്യത്തുണ്ടായ രാഷ്ട്രീയ പ്രക്ഷോഭങ്ങളെത്തുടർന്ന് വൈകിയതാണ് രോഗം ഇത്രത്തോളം പടരാൻ കാരണമായത്. വാക്സിനേഷൻ കേന്ദ്രങ്ങളിൽ മരുന്നിന്റെ ലഭ്യതക്കുറവ് അനുഭവപ്പെട്ടതായും വാക്സിനേഷൻ കാർഡുകൾ നഷ്ടപ്പെട്ടതിനാൽ കുഞ്ഞുങ്ങൾക്ക് പ്രതിരോധ കുത്തിവെപ്പ് നൽകാൻ കഴിഞ്ഞില്ലെന്നും പല മാതാപിതാക്കളും പരാതിപ്പെടുന്നു.
രോഗവ്യാപനം തടയാൻ 95 ശതമാനം കുട്ടികൾക്കെങ്കിലും വാക്സിൻ നൽകേണ്ടതുണ്ട്. എന്നാൽ കഴിഞ്ഞ വർഷം ഇത് 59 ശതമാനം മാത്രമായിരുന്നു. വാക്സിൻ സ്വീകരിച്ച ചില കുട്ടികൾക്കും രോഗം ബാധിക്കുന്നത് സമൂഹത്തിലെ മൊത്തത്തിലുള്ള പ്രതിരോധശേഷി കുറവായതുകൊണ്ടാണെന്ന് ആരോഗ്യവകുപ്പ് വക്താക്കൾ അറിയിച്ചു. യുഎൻ ഏജൻസികളുമായി ചേർന്ന് ഏപ്രിൽ 5 മുതൽ 1.2 ദശലക്ഷം കുട്ടികളെ ലക്ഷ്യമിട്ട് അടിയന്തര വാക്സിനേഷൻ കാമ്പയിൻ സർക്കാർ ആരംഭിച്ചിട്ടുണ്ട്. ലോകത്തിലെ ഏറ്റവും കൂടുതൽ പകർച്ചവ്യാധികളിലൊന്നായ അഞ്ചാംപനി തലച്ചോറിലെ വീക്കം, കടുത്ത ശ്വാസതടസ്സം തുടങ്ങിയ സങ്കീർണ്ണമായ ആരോഗ്യപ്രശ്നങ്ങൾക്ക് കാരണമാകും.
Summary: Bangladesh is facing its worst measles outbreak in 20 years, with at least 143 deaths reported since mid-March, mostly among children. Hospitals in Dhaka are overwhelmed as suspected cases exceed 12,000. Delays in vaccination campaigns due to political unrest in 2024 and low vaccine coverage (only 59% last year) have fueled the crisis. An emergency vaccination drive aiming to protect 1.2 million children has been launched to combat the spread.
