ജയ്പൂർ: സോഷ്യൽ മീഡിയയിലെ നെഗറ്റീവ് വാർത്തകൾക്കിടയിൽ മനസ്സ് നിറയ്ക്കുന്ന ഒരു കാഴ്ചയുമായി ജയ്പൂരിലെ ഒരു ഹോട്ടൽ. ഹോട്ടലിൽ മിച്ചം വരുന്ന ഭക്ഷണം തെരുവിലെ പാവപ്പെട്ടവർക്ക് വിതരണം ചെയ്യുന്ന ‘ദ ഫേൺ ഹാബിറ്റാറ്റ്’ (The Fern Habitat) എന്ന ഹോട്ടലിന്റെ മാതൃകാപരമായ പ്രവർത്തനമാണ് ഇപ്പോൾ വൈറലാകുന്നത് (Jaipur Hotel Leftover Food Distribution). ഭക്ഷണപ്പൊതികൾ ഹോട്ടൽ ജീവനക്കാർ തന്നെ നേരിട്ടെത്തി അർഹരായവർക്ക് കൈമാറുന്ന ദൃശ്യങ്ങൾ സോഷ്യൽ മീഡിയ ഏറ്റെടുത്തു കഴിഞ്ഞു.
രാവിലത്തെ സർവീസിന് ശേഷം ബാക്കി വരുന്ന ഗുണമേന്മയുള്ള ഭക്ഷണം പാഴാക്കിക്കളയാതെ, കൃത്യമായ പ്ലാനിംഗോടെയാണ് ഇവർ വിതരണം ചെയ്യുന്നത്. ഹോട്ടലിൽ താമസിച്ചിരുന്ന ഒരു അതിഥി പകർത്തിയ വീഡിയോയിലൂടെയാണ് ഈ വിവരം പുറംലോകം അറിഞ്ഞത്. “ഇന്ത്യയിൽ ആരും വിശന്നിരിക്കില്ല” എന്ന കുറിപ്പോടെ എക്സിലും റെഡ്ഡിറ്റിലും പ്രചരിച്ച വീഡിയോയ്ക്ക് വലിയ പിന്തുണയാണ് ലഭിക്കുന്നത്.
ഹോട്ടൽ ശൃംഖലകൾ ഇത്തരം പ്രവർത്തനങ്ങൾ സ്ഥിരമായി നടപ്പിലാക്കണമെന്നും, ഭക്ഷണ അവശിഷ്ടങ്ങൾ കുറയ്ക്കാൻ ഇത് വലിയ സഹായമാകുമെന്നും പലരും അഭിപ്രായപ്പെട്ടു. സമാനമായ രീതിയിൽ വിദ്യാർത്ഥി ഹോസ്റ്റലുകളിൽ നിന്നും കല്യാണ വീടുകളിൽ നിന്നും ഭക്ഷണം ശേഖരിച്ച് വിതരണം ചെയ്യുന്ന എൻജിഒകളെക്കുറിച്ചും സോഷ്യൽ മീഡിയ ഉപഭോക്താക്കൾ പങ്കുവെച്ചു. ലളിതമായ ഒരു പ്രവർത്തനം എങ്ങനെ ഒരു സമൂഹത്തിൽ വലിയ മാറ്റമുണ്ടാക്കാം എന്നതിന്റെ തെളിവാണ് ഈ ജയ്പൂർ മോഡൽ.
Incredible initiative by The Fern Habitat, Jaipur! 🏨✨
They’re ensuring that surplus food from their morning service doesn’t go to waste, distributing it with dignity to those on the road.
This is how we build a hunger-free India. Kudos to the team! pic.twitter.com/a5X2c82ZZw
— Divya Gandotra Tandon (@divya_gandotra) April 5, 2026
