തിരുവനന്തപുരം: നിയമസഭാ തിരഞ്ഞെടുപ്പിന് മുന്നോടിയായി വിവിധ മാധ്യമങ്ങൾ നടത്തുന്ന പ്രീ-പോൾ സർവേകൾ നിരോധിക്കണമെന്ന് ആവശ്യപ്പെട്ട് തിരഞ്ഞെടുപ്പ് കമ്മീഷന് പരാതി. കെപിസിസി അംഗം ആണ് പരാതിക്കാരൻ. ശാസ്ത്രീയമായ അടിത്തറയില്ലാത്ത ഇത്തരം സർവേകൾ വോട്ടർമാരെ തെറ്റായ രീതിയിൽ സ്വാധീനിക്കാൻ സാധ്യതയുണ്ടെന്ന് പരാതിയിൽ ചൂണ്ടിക്കാട്ടുന്നു.(Pre-poll surveys should be banned, Congress leader files complaint with Election Commission)
ശാസ്ത്രീയമായ കൃത്യതയില്ലാത്ത സർവേകൾ സംപ്രേഷണം ചെയ്യുന്നത് അടിയന്തരമായി വിലക്കണം. സർവേകൾ നടത്തുന്ന രീതി, അതിനായി ഉപയോഗിക്കുന്ന സാമ്പത്തിക സ്രോതസ്സ് എന്നിവ വെളിപ്പെടുത്താൻ മാധ്യമങ്ങളോട് നിർദ്ദേശിക്കണം.
പ്രീ-പോൾ സർവേകൾ നടത്തുന്നതിനും പ്രസിദ്ധീകരിക്കുന്നതിനും തിരഞ്ഞെടുപ്പ് കമ്മീഷൻ വ്യക്തമായ മാർഗരേഖ പുറത്തിറക്കണം. കമ്മീഷൻ ഈ പരാതിയിൽ എന്ത് നിലപാട് സ്വീകരിക്കുമെന്നാണ് ഇനി അറിയേണ്ടത്.
