കൊണ്ടോട്ടി: കിഴിശ്ശേരിയിൽ അതീവ അപൂർവ്വ ഇനം പാമ്പിന്റെ കടിയേറ്റ് തീവ്രപരിചരണ വിഭാഗത്തിൽ ചികിത്സയിലായിരുന്ന ഒന്നാം ക്ലാസ് വിദ്യാർത്ഥി ദാരുണമായി മരണപ്പെട്ടു (Kondotty snake bite death). മങ്കട മേലെ അരിപ്ര പാലക്കൽ നൗഫലിന്റെ മകനായ നസൽ (7) ആണ് കോഴിക്കോട് മെഡിക്കൽ കോളേജ് ആശുപത്രിയിൽ വെച്ച് മരണത്തിന് കീഴടങ്ങിയത്. അരിപ്ര മേൽമുറി സ്കൂളിലെ ഒന്നാം ക്ലാസ് വിദ്യാർത്ഥിയാണ്.
ദിവസങ്ങൾക്ക് മുൻപ് കൊണ്ടോട്ടി കിഴിശ്ശേരിയിലുള്ള ഉമ്മയുടെ വീട്ടിൽ വെച്ചാണ് കുട്ടിയെ പാമ്പ് കടിക്കുന്നത്. കുടുംബത്തോടൊപ്പം വിനോദയാത്ര പോകാനുള്ള ഒരുക്കങ്ങൾക്കിടെ പുലർച്ചെ കുട്ടി വീടിന് പുറത്തിറങ്ങിയപ്പോഴായിരുന്നു സംഭവം. ഉടൻ തന്നെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചെങ്കിലും കുട്ടിയുടെ നില അതീവ ഗുരുതരമായി തുടരുകയായിരുന്നു.
തുടർന്ന് മെഡിക്കൽ കോളേജിലെ വിദഗ്ദ്ധ മെഡിക്കൽ സംഘം നടത്തിയ പരിശോധനയിലാണ് കുട്ടിയെ കടിച്ചത് ‘ശ്രീലങ്കൻ ഹംപ്-നോസ്ഡ് പിറ്റ് വൈപ്പർ’ (Hypnale hypnale) വിഭാഗത്തിൽപ്പെട്ട പ്രത്യേക ഇനം പാമ്പാണെന്ന് സ്ഥിരീകരിച്ചത്.
Story Summary:
A 7-year-old first-standard student, Nasal, died at Kozhikode Medical College Hospital after being bitten by a rare Sri Lankan Hump-nosed Pit Viper at his maternal home in Kiz hisseri, Kondotty. The treatment was severely impacted as the specific anti-venom for this foreign snake species is currently unavailable in India.
