തിരുവനന്തപുരം: രാജ്യത്ത് പെട്രോളിയം ഉൽപന്നങ്ങളുടെയും പാചകവാതകത്തിന്റെയും വില സാധാരണക്കാർക്ക് ദുസ്സഹമായ രീതിയിൽ ഉയരുന്നതിനെതിരെയും, ജനങ്ങളെ കൊള്ളയടിക്കുന്ന കേന്ദ്ര സർക്കാർ നയങ്ങൾക്കെതിരെയും ശക്തമായ വിമർശനവുമായി സി.പി.ഐ.എം സംസ്ഥാന സെക്രട്ടറി എം.വി. ഗോവിന്ദൻ (MV Govindan on LPG Price Hike). വാണിജ്യ ആവശ്യങ്ങൾക്കുള്ള എൽപിജി വിലവർധനവ് കാരണം സംസ്ഥാനത്തെ ഹോട്ടലുകൾക്ക് കൃത്യമായി തുറന്നുപ്രവർത്തിക്കാൻ കഴിയാത്ത സാഹചര്യമാണുള്ളതെന്നും, സ്കൂളുകളിൽ കുഞ്ഞുങ്ങൾക്ക് ഉച്ചഭക്ഷണം പോലും നൽകാൻ കഴിയാത്ത വിധം കാര്യങ്ങൾ പ്രതിസന്ധിയിലായിരിക്കുകയാണെന്നും അദ്ദേഹം വാർത്താസമ്മേളനത്തിൽ പറഞ്ഞു.
വിപണിയിൽ എല്ലാ നിത്യോപയോഗ സാധനങ്ങളുടെയും വില കുതിച്ചുയരുമ്പോഴും നികുതിഭാരം ഒഴിവാക്കാൻ തയ്യാറല്ലെന്ന മുഖ്യമന്ത്രിയുടെ നിലപാട് അവസരവാദപരമാണെന്നും, പ്രതിപക്ഷത്തിരിക്കുമ്പോൾ ഒരു നിലപാടും ഭരണപക്ഷത്ത് വരുമ്പോൾ മറ്റൊരു നിലപാടും സ്വീകരിക്കുന്ന രീതി അവസാനിപ്പിച്ച് കേന്ദ്ര-സംസ്ഥാന സർക്കാരുകൾ ഈ വിഷയത്തിൽ ഫലപ്രദമായി ഇടപെടണമെന്നും എം.വി. ഗോവിന്ദൻ ആവശ്യപ്പെട്ടു.
പുതിയ ധവളപത്രത്തിലൂടെ പൊതുമേഖലാ സ്ഥാപനങ്ങളെ കൂട്ടത്തോടെ സ്വകാര്യവൽക്കരിക്കാനുള്ള നീക്കമാണ് ഇപ്പോൾ നടക്കുന്നത്. കഴിഞ്ഞ പത്ത് വർഷത്തെ എൽഡിഎഫ് ഭരണകാലത്ത് കെ.എം.എം.എൽ ഉൾപ്പെടെയുള്ള പൊതുമേഖലാ സ്ഥാപനങ്ങളെ സംരക്ഷിക്കുകയും ലോകോത്തര നിലവാരത്തിലേക്ക് ഉയർത്തിക്കൊണ്ടുവരികയും ചെയ്ത ചരിത്രമാണുള്ളത്. എന്നാൽ നിലവിൽ ഈ സ്ഥാപനങ്ങളെല്ലാം കോർപ്പറേറ്റുകൾക്കും കുത്തകകൾക്കും അടിയറവ് വെച്ചുകൊണ്ട് തകർക്കാനാണ് അധികൃതർ ശ്രമിക്കുന്നത്. പൊതുമേഖലയെ തകർക്കുന്ന ഇത്തരം ജനദ്രോഹ നടപടികളെ യാതൊരു കാരണവശാലും അനുവദിക്കില്ലെന്നും സി.പി.ഐ.എം സംസ്ഥാന സെക്രട്ടറി കൂട്ടിച്ചേർത്തു.
Summary: CPIM State Secretary M.V. Govindan strongly criticized the surging prices of petroleum products and LPG, stating that commercial gas price hikes have pushed hotels to the brink of closure and disrupted school midday meals for children. Accusing both central and state governments of adopting opportunistic stances without reducing tax burdens, he demanded immediate intervention. He also condemned the privatization of public sector undertakings (PSUs), highlighting that the previous LDF government had successfully protected and uplifted entities like KMML over the past decade.
