പാലക്കാട്: എ.കെ. ബാലന്റെ ആരോപണങ്ങൾക്ക് മറുപടിയുമായി വി.കെ. ശ്രീകണ്ഠൻ എംപി. പ്രായധിക്യം മൂലം എ.കെ. ബാലന്റെ ‘കിളിപോയെന്നും’ അദ്ദേഹത്തിന് സ്ഥലകാല വിഭ്രമം സംഭവിച്ചിരിക്കുകയാണെന്നും ശ്രീകണ്ഠൻ പരിഹസിച്ചു. പാലക്കാട് സീറ്റ് ബിജെപിക്ക് വിൽക്കാൻ മുൻകൈ എടുത്തത് എ.കെ. ബാലനാണെന്നും അദ്ദേഹം ആരോപിച്ചു.(Insane due to old age, VK Sreekandan against AK Balan
പാലക്കാട് മതേതര വോട്ടുകൾ ഭിന്നിപ്പിച്ച് ബിജെപിക്ക് ജയിക്കാൻ സൗകര്യമൊരുക്കുന്നത് എ.കെ. ബാലനും കൂട്ടരുമാണ്. ബിജെപിക്ക് എല്ലാ സഹായങ്ങളും ചെയ്തുകൊടുക്കുന്ന സിപിഎം ഡീൽ കേരളമാകെ ചർച്ചയാണെന്ന് അദ്ദേഹം പറഞ്ഞു.
പാർട്ടിയുമായി ഒരു ബന്ധവുമില്ലാത്ത, മെമ്പർഷിപ്പോ പ്രവർത്തന പരിചയമോ ഇല്ലാത്ത ഒരു ഹോട്ടൽ വ്യവസായയെ സ്ഥാനാർത്ഥിയാക്കിയത് മതേതര വോട്ടുകൾ ഭിന്നിപ്പിക്കാനാണ്. ഇത് ബിജെപിയെ സഹായിക്കാനുള്ള നീക്കമാണെന്ന് ശ്രീകണ്ഠൻ ആരോപിച്ചു. തിരഞ്ഞെടുപ്പ് കഴിയുന്നതോടെ സിപിഎമ്മിനെ കാഴ്ചബംഗ്ലാവിൽ വെക്കേണ്ടി വരുമെന്നും ജനങ്ങൾ ഇതിന് കനത്ത പ്രഹരം നൽകുമെന്നും അദ്ദേഹം കൂട്ടിച്ചേർത്തു.
