ജിയാങ്സു: തന്റെ വളർത്തുനായയെ ഉപയോഗിച്ച് ഇലക്ട്രിക് സ്കൂട്ടർ ചലിപ്പിച്ച ചൈനീസ് വയോധികന്റെ വീഡിയോ സോഷ്യൽ മീഡിയയിൽ വൈറലായതോടെ വലിയ പ്രതിഷേധം ഉയരുന്നു (Dog Powered Bike China). കിഴക്കൻ ചൈനയിലെ ജിയാങ്സു പ്രവിശ്യയിലാണ് സംഭവം നടന്നത്. മൃഗങ്ങളോടുള്ള ക്രൂരതയും റോഡ് സുരക്ഷാ ലംഘനവും ചൂണ്ടിക്കാട്ടിയാണ് ഇയാൾക്കെതിരെ വിമർശനം ശക്തമാകുന്നത്.
ഇലക്ട്രിക് സ്കൂട്ടറിന്റെ ബാറ്ററി നീക്കം ചെയ്ത ശേഷം സീറ്റിന് താഴെ ഒരു ഗോൾഡൻ റിട്രീവർ നായയെ ഓടാൻ നിർബന്ധിക്കുന്ന തരത്തിലുള്ള സംവിധാനമാണ് ഇയാൾ ഒരുക്കിയത്. നായ ഓടുന്നതിനനുസരിച്ച് സ്കൂട്ടർ മുന്നോട്ട് നീങ്ങുന്ന രീതിയിലായിരുന്നു ഇതിന്റെ പ്രവർത്തനം. നായയുടെ വായ മൂടിക്കെട്ടിയിരുന്നതായും ചങ്ങല ഉപയോഗിച്ച് സ്കൂട്ടറിൽ ബന്ധിപ്പിച്ചിരുന്നതായും റിപ്പോർട്ടുകൾ പറയുന്നു. സ്കൂട്ടർ ഓടിക്കുന്നതിനിടയിൽ കയ്യിലുള്ള വടി ഉപയോഗിച്ച് നായയെ ഇയാൾ അടിക്കുന്നതും ദൃശ്യങ്ങളിൽ കാണാം.
മറ്റൊരു യാത്രക്കാരൻ പകർത്തിയ ദൃശ്യങ്ങൾ വൈറലായതോടെ പ്രാദേശിക ട്രാഫിക് പോലീസ് ഇയാളെ കണ്ടെത്തി. നിയമവിരുദ്ധമായി മാറ്റങ്ങൾ വരുത്തിയ വാഹനം പൊതുനിരത്തിൽ ഇറക്കിയതിന് ഇയാളെ തടഞ്ഞെങ്കിലും, പ്രായം പരിഗണിച്ച് താക്കീത് നൽകി വിട്ടയക്കുകയാണുണ്ടായത്. നായയുടെ ഇപ്പോഴത്തെ ആരോഗ്യസ്ഥിതിയെക്കുറിച്ചുള്ള വിവരങ്ങൾ അധികൃതർ പുറത്തുവിട്ടിട്ടില്ല.
മൃഗസംരക്ഷണത്തിനായി ചൈനയിൽ ശക്തമായ നിയമങ്ങൾ ഇല്ലാത്തതാണ് ഇത്തരം സംഭവങ്ങൾ ആവർത്തിക്കാൻ കാരണമെന്ന് സോഷ്യൽ മീഡിയയിൽ പലരും ചൂണ്ടിക്കാട്ടുന്നു. മൃഗങ്ങളോടുള്ള ക്രൂരതയ്ക്കൊപ്പം തന്നെ റോഡിലെ മറ്റ് യാത്രക്കാർക്കും ഇത്തരത്തിലുള്ള വാഹനങ്ങൾ വലിയ അപകടഭീഷണിയാണ് ഉയർത്തുന്നത്.
A man in China removed the battery from his electric bike… and replaced it with his pet dog.
Yes, you read that right.
A muzzled golden retriever was forced to run under the bike, tied with reins, allegedly even whipped to keep it moving… all on a public road.
The video… pic.twitter.com/IRDlaL8ySb
— Divya Gandotra Tandon (@divya_gandotra) March 25, 2026
