തിരുവനന്തപുരം: മുഖ്യമന്ത്രി പിണറായി വിജയന്റെ ‘വീട്ടിൽ പോയി ചോദിക്ക്’ എന്ന പരാമർശത്തിനും ആർ.എസ്.എസ് – സി.പി.എം ‘ഡീൽ’ ആരോപണങ്ങൾക്കും പ്രതികരണവുമായി പ്രതിപക്ഷ നേതാവ് വി.ഡി. സതീശൻ. മുഖ്യമന്ത്രിയുടെ ധാർഷ്ട്യത്തിന് ജനങ്ങൾ തെരുവിൽ മറുപടി നൽകുമെന്ന് അദ്ദേഹം പറഞ്ഞു.(People will answer him, VD Satheesan against CM Pinarayi Vijayan )
സി.പി.എമ്മും ബി.ജെ.പിയും തമ്മിൽ അവിശുദ്ധ കൂട്ടുകെട്ടുണ്ടെന്ന ആരോപണം വി.ഡി. സതീശൻ ആവർത്തിച്ചു. ആർ.എസ്.എസുമായി രഹസ്യ ചർച്ച നടത്തിയത് ആരാണെന്ന് അദ്ദേഹം ചോദിച്ചു.
മുഖ്യമന്ത്രിയുടെ പെരുമാറ്റം ജനാധിപത്യവിരുദ്ധമാണെന്ന് സതീശൻ കുറ്റപ്പെടുത്തി. പരാമർശത്തിൽ മുഖ്യമന്ത്രി സ്വയം കണ്ണാടിയിൽ നോക്കുന്നത് നന്നായിരിക്കും, പ്രതിപക്ഷ നേതാവ് പരിഹസിച്ചു.
