തൃശൂർ: നിയമസഭാ തിരഞ്ഞെടുപ്പ് പ്രചാരണത്തിന്റെ ഭാഗമായി പ്രധാനമന്ത്രി നരേന്ദ്ര മോദി ഞായറാഴ്ച തൃശൂരിലെത്തും. എൻഡിഎ സ്ഥാനാർത്ഥി പത്മജ വേണുഗോപാലിന്റെ പ്രചാരണ പരിപാടികളിൽ പങ്കെടുക്കുന്നതിനായാണ് അദ്ദേഹം എത്തുന്നത്. (PM Modi to visit Thrissur on Sunday, Roadshow for Padmaja Venugopal)
തൃശൂർ നഗരത്തിൽ സംഘടിപ്പിക്കുന്ന ആവേശകരമായ റോഡ് ഷോയിൽ പ്രധാനമന്ത്രി സ്ഥാനാർത്ഥിക്കൊപ്പം പങ്കുചേരും. ഞായറാഴ്ച ആദ്യം പാലക്കാട് എത്തുന്ന പ്രധാനമന്ത്രി അവിടെത്തെ പരിപാടികൾക്ക് ശേഷമാകും തൃശൂരിലേക്ക് തിരിക്കുക എന്നാണ് വിവരം.
പ്രധാനമന്ത്രിയുടെ സന്ദർശനത്തോടനുബന്ധിച്ച് നഗരത്തിൽ കർശന സുരക്ഷാ ക്രമീകരണങ്ങളാണ് ഒരുക്കുന്നത്. റോഡ് ഷോയുടെ കൃത്യമായ സമയക്രമവും സഞ്ചാരപാതയും സംബന്ധിച്ച ഔദ്യോഗിക വിവരങ്ങൾ വ്യക്തമായിട്ടില്ല. പത്മജ വേണുഗോപാലിന്റെ സ്ഥാനാർത്ഥിത്വത്തോടെ രാഷ്ട്രീയ പ്രാധാന്യം കൈവന്ന തൃശൂർ മണ്ഡലത്തിൽ പ്രധാനമന്ത്രിയുടെ സന്ദർശനം എൻഡിഎ ക്യാമ്പുകൾക്ക് വലിയ ആവേശം പകരും.
