കോഴിക്കോട്: എലത്തൂർ നിയമസഭാ മണ്ഡലത്തിലെ സ്ഥാനാർത്ഥി നിർണ്ണയത്തെച്ചൊല്ലി എൻസിപിയിലുണ്ടായ ആഭ്യന്തര തർക്കങ്ങൾ പൂർണ്ണമായും പരിഹരിച്ചതായി സംസ്ഥാന അധ്യക്ഷൻ പി.സി. ചാക്കോ. പാർട്ടിയാണ് വ്യക്തികളേക്കാൾ വലുതെന്നും എല്ലാവരും ഒരേ മനസ്സോടെ തെരഞ്ഞെടുപ്പിനെ നേരിടുമെന്നും അദ്ദേഹം പറഞ്ഞു.(Assembly elections, AK Saseendran to file nomination tomorrow)
മന്ത്രി എ.കെ. ശശീന്ദ്രനെ വീണ്ടും സ്ഥാനാർത്ഥിയാക്കുന്നതിനെതിരെ ശക്തമായ പ്രതിഷേധം ഉയർന്നിരുന്നു. എ.കെ. ശശീന്ദ്രൻ മാറി പുതിയ ആളുകൾക്ക് അവസരം നൽകണമെന്നായിരുന്നു ആവശ്യം. ഇതിനെതിരെ മണ്ഡലം കമ്മിറ്റികൾ പ്രമേയം പാസാക്കുന്ന സാഹചര്യം വരെയുണ്ടായി.
പാർട്ടി എടുത്ത തീരുമാനത്തിനൊപ്പം എല്ലാവരും നിൽക്കുമെന്ന് അദ്ദേഹം കൂട്ടിച്ചേർത്തു. എലത്തൂരിലെ എൽഡിഎഫ് സ്ഥാനാർത്ഥിയായി എ.കെ. ശശീന്ദ്രൻ നാളെ നാമനിർദ്ദേശ പത്രിക സമർപ്പിക്കും. ജില്ലാ പ്രസിഡന്റ് മുക്കം മുഹമ്മദ് നാളെ പത്രിക സമർപ്പണ വേളയിൽ ശശീന്ദ്രനൊപ്പം ഉണ്ടാകുമെന്ന് അറിയിച്ചു.
