തിരുവനന്തപുരം: ഗതാഗത മന്ത്രി കെ.ബി. ഗണേഷ് കുമാറിനെതിരെ ഭാര്യ ഉന്നയിച്ച ആരോപണങ്ങൾ അതീവ ഗുരുതരമാണെന്നും അദ്ദേഹം മന്ത്രിസ്ഥാനം രാജിവെക്കണമെന്നും പ്രതിപക്ഷ നേതാവ് വി.ഡി. സതീശൻ. ആരോപണങ്ങളിൽ കുറ്റകൃത്യങ്ങൾ വ്യക്തമാണെന്നും അത് ഒത്തുതീർപ്പാക്കാൻ സാധിക്കില്ലെന്നും അദ്ദേഹം പറഞ്ഞു. വിഷയത്തിൽ മുഖ്യമന്ത്രി പുലർത്തുന്ന മൗനത്തെയും സതീശൻ ശക്തമായി വിമർശിച്ചു.(What revealed was the stance of the CM of Kerala, VD Satheesan on the KB Ganesh Kumar issue)
പരാതി നൽകുന്നില്ല എന്നത് മന്ത്രിയുടെ ഭാര്യയുടെ വ്യക്തിപരമായ തീരുമാനമായിരിക്കാം. എന്നാൽ ഒരു കുറ്റകൃത്യം നടന്നുവെന്ന് വ്യക്തമായാൽ പോലീസിന് കേസെടുക്കാതിരിക്കാൻ കഴിയില്ല. ആരോപണങ്ങളിലെ ചില വരികളിൽ അപകടകരമായ കാര്യങ്ങളുണ്ട്, അത് പോലീസ് ഗൗരവമായി പരിശോധിക്കണം.
2013-ൽ ഉമ്മൻചാണ്ടി സർക്കാരിന്റെ കാലത്ത് ഗണേഷ് കുമാർ രാജിവെക്കണമെന്ന് ആവശ്യപ്പെട്ട പിണറായി വിജയൻ, ഇപ്പോൾ അതേ സാഹചര്യം വന്നപ്പോൾ മൗനം പാലിക്കുന്നത് എന്തുകൊണ്ടാണെന്ന് സതീശൻ ചോദിച്ചു. അന്ന് ഉമ്മൻചാണ്ടി രാജി ചോദിച്ചുവാങ്ങിയെങ്കിൽ ഇന്ന് പിണറായി വിജയൻ മന്ത്രിയെ സംരക്ഷിക്കുകയാണെന്ന് അദ്ദേഹം കുറ്റപ്പെടുത്തി.
മുഖ്യമന്ത്രിയുടെ ധാർമ്മികതയുടെ ‘കപ്പ്’ ഉടഞ്ഞുപോയിരിക്കുകയാണ്. ജനങ്ങളെ പരിഹസിക്കുന്ന ഈ നിലപാട് വരാനിരിക്കുന്ന തിരഞ്ഞെടുപ്പിൽ പ്രതിപക്ഷത്തിന്റെ പ്രധാന പ്രചാരണായുധമായിരിക്കുമെന്നും അദ്ദേഹം വ്യക്തമാക്കി. മന്ത്രിസഭയിൽ ഇത്തരമൊരാൾ തുടരുന്നത് ജനാധിപത്യത്തിന് അപമാനമാണെന്ന് സതീശൻ പറഞ്ഞു.
