This Content Is Only For Subscribers
ന്ധ്യ മയങ്ങി ഇരുട്ട് വീണാൽ ഒരു പോലീസുകാരൻ പട്ടണത്തിലെ തെരുവുകളിൽ പട്രോളിംഗിന് ഇറങ്ങും. ക്രൂരതയുടെ മുഖംമൂടി ധരിച്ച് ചിരിയോടെ വഴി യാത്രക്കാരുമായി സൗഹൃദപരമായ സംഭാഷണത്തിൽ ഏർപ്പെടുന്നു. എന്നാൽ, അയാളുടെ ചിരി വഞ്ചനയുടെ മൂടുപടം മാത്രമായിരുന്നു. സൈബീരിയയിലെ അൺഗാർസ്ക് നഗരത്തിലെ എൺപത്തി മൂന്നോളം സ്ത്രീകളെ ലൈംഗികായി പീഡിപ്പിച്ച കൊലപ്പെടുത്തിയ കൊലയാളി, മിഖൈൽ പോപ്കോവ് (Mikhail Popkov). ഇരകളുടെ ശരീരങ്ങൾ വികൃതമാക്കുന്നു ശേഷം ശവശരീരവുമായി ലൈംഗിക ബന്ധത്തിൽ ഏർപ്പെടുന്നു. രക്തത്തോടുള്ള ആർത്തിയും ഭീകരതയോടുള്ള അഭിനിവേശവും, അംഗാർസ്ക്കയിലെ ഭ്രാന്തൻ (The Angarsk Maniac) എന്ന് അറിയപ്പെട്ട മിഖായേൽ പോപ്കോവ്. റഷ്യയിലെ ഏറ്റവും വലിയ സീരിയൽ കില്ലർ.
റഷ്യയിലെ സൈബീരിയൻ പ്രദേശത്ത് സ്ഥിതി ചെയ്യുന്ന നോറിൽസ്ക് എന്ന വിദൂര നഗരത്തിൽ 1964 മാർച്ച് 7 നാണ് മിഖായേൽ പോപ്കോവ് ജനിക്കുന്നത്. മിഖായേലിന്റെ ജനത്തിന് പിന്നാലെ കുടുംബം സൈബീരിയയിലെ മറ്റൊരു നഗരമായ അംഗാർസ്ക്കിലേക്ക് താമസം മാറുന്നു, അവിടെയാണ് പോപ്കോവ് തന്റെ കുട്ടിക്കാലം ഭൂരിഭാഗവും ചെലവഴിച്ചത്. മീഖായേലിന്റെ ബാല്യകാലത്തെ കുറിച്ച് കൃത്യമായ വിവരണങ്ങൾ ഒന്നും തന്നെ ലഭ്യമല്ല. പഠനമൊക്കെ പൂർത്തിയായ ശേഷം അയാൾ ഒരു പോലീസ് ഉദ്യോഗസ്ഥനായി ജോലി ചെയുന്നു. ഇതേ കാലയളവിലാണ് അയാൾ തന്റെ പോലീസ് ബാഡജ് കാട്ടി അയാൾ ഇരകളെ കുടുക്കിയിരുന്നത്.
മിഖായേൽ പോപ്കോവ് എലീനയെ വിവാഹം കഴിച്ചു, അവർക്ക് എകറ്റെറിന എന്നൊരു മകളുണ്ടായിരുന്നു. എലീനയക്കും പോലീസ് ഡിപ്പാർട്മെന്റിലായിരുന്നു ജോലി. പുറമെ, പോപ്കോവ് ഒരു സാധാരണ കുടുംബനാഥൻ. ഭാര്യയും മകളും അടങ്ങിയ സന്തുഷ്ട ജീവിതം. എന്നാൽ സ്വന്തം ഭാര്യയെയും സുഹൃത്തുക്കളെയും വഞ്ചിച്ചുകൊണ്ട് ഇരട്ടജീവിതം അയാൾ നയിച്ച വസ്തുത നിഗൂഢമായിരുന്നു.
ഭാര്യയെ സംശയം, പരിഹാരം കൊലപാതകം
തന്റെ ഭാര്യക്ക് മറ്റൊരു പുരുഷനുമായി വഴിവിട്ട ബന്ധമുണ്ടെന്ന് സംശയിച്ചാണ് അയാൾ കൊലപാതകിയായി തിരുന്നത്. തന്നിൽ നിന്നും ഭാര്യ എന്തൊക്കെയോ ഒളിക്കുന്നുണ്ട്, തന്നോടുള്ള അടുപ്പവും സ്നേഹവും പഴയത് പോലെയില്ല. ഒരു പക്ഷെ തന്നെ വേണ്ടയെന്ന് വച്ച മറ്റൊരു പുരുഷനെ അവൾ സ്നേഹിക്കുന്നുണ്ടാകുമോ. എന്നിങ്ങനെ അയാളുടെ ഉള്ളിൽ നിറഞ്ഞ ചോദ്യങ്ങൾ നിരവധിയായിരുന്നു. ഒടുവിൽ മാനസിക സംഘർഷങ്ങൾ മിഖായേലിനെ കൊണ്ടെത്തിച്ചത് നിഷ്ഠൂര കൊലപാതകങ്ങളിലേക്കായിരുന്നു.
മീഖായേലിന്റെ പ്രധാന ഇരകൾ ലൈംഗിക തൊഴിലാളികളായിരുന്നു. പിന്നെ വഴിയരിക്കിൽ മദ്യപിച്ച ലക്കുകെട്ട് നിൽക്കുന്ന സ്ത്രീകളും. മീഖായേലിന് മോശക്കാരികൾ എന്ന് തോന്നിയ സ്ത്രീകളെയാണ് അയാൾ ലക്ഷ്യം വച്ചിരുന്നത്. ബാറുകളുടെയോ റെസ്റ്റോറന്റുകളുടെയോ മുന്നിൽ കാർ പാർക്ക് ചെയ്തിടുന്നു. ഒറ്റയ്ക്കാണ് സ്ത്രീകൾ സഞ്ചരിക്കുന്നത് എന്ന് കണ്ടാൽ കാറുമായി അവരുടെ അടുത്ത് എത്തുന്നു. ശേഷം വീട്ടിലോ താമസസ്ഥലത്തോ കൊണ്ടാക്കിത്തരാം എന്ന് വാഗ്ദാനം ചെയുന്നു. പോലീസ് കാറിൽ യൂണിഫോമിൽ എത്തിയ ഉദ്യോഗസ്ഥനെ അവർ വിശ്വസിക്കുന്നു. തങ്ങൾ പോലീസ് ഉദ്യോഗസ്ഥനോടൊപ്പം സുരക്ഷിതരാണ് എന്ന അവർ വിശ്വസിക്കുന്നു. എന്നാൽ തങ്ങളുടെ ജീവൻ അപഹരികുവാനായി കാത്തിരിക്കുന്ന മൃഗമാണ് ആ മനുഷ്യനെന്ന് അവർ തിരിച്ചറിയുമ്പോഴേക്കും സമയം ഏറെ വൈകിയിരുന്നു.
കോടാലിയും സ്ക്രൂഡ്രൈവറും ആയുധം
ഇരകളെ സൂത്രത്തിൽ കാറിനുള്ളിൽ കയറ്റിയ ശേഷം ആളൊഴിഞ്ഞ സ്ഥലത്ത് എത്തിക്കുന്നു. ശേഷം അവരെ ബലാത്സംഗത്തിന് ഇരയാകുന്നു. ആ സ്ത്രീകൾക്ക് ഉച്ചത്തിൽ നിലവിളിക്കുവാൻ പോലുമുള്ള അവസരം അയാൾ കൊടുത്തിരുന്നില്ല. കത്തി, കോടാലി, ബേസ്ബോൾ ബാറ്റുകൾ, സ്ക്രൂഡ്രൈവറുകൾ തുടങ്ങിയവ ഉപയോഗിച്ചാണ് ഇരകളെ കൊലപ്പെടുത്തുന്നു. കുത്തിക്കിറി ശരീരം വികൃതമാകുന്നു. പലപ്പോഴും ഇരകൾ കൊലപ്പെട്ട ശേഷവും ശവശരീരവുമായി ലൈംഗിക ബന്ധത്തിൽ ഏർപ്പെടുന്നു. ഇരകളുടെ തല വെട്ടിമാറ്റിയും ഹൃദയം കുത്തിയെടുക്കുകയും ചെയ്തു.
1992 നും 2010 നും ഇടയിൽ, മീഖായേലിന്റെ കൊലപാതക പരമ്പരയിൽ കുറഞ്ഞത് 22 സ്ത്രീകളുടെ ജീവൻ അപഹരിക്കപ്പെട്ടു, ചില കണക്കുകൾ പ്രകാരം ഇരകളുടെ എണ്ണം 80-ലധികമാണ്. പലപ്പോഴും അയാൾ ഇരകളുടെ ശവശരീരം വിദൂര വനങ്ങളിൽ ഉപേക്ഷിക്കുകയോ മാലിന്യക്കൂമ്പാരങ്ങളിൽ ഉപേക്ഷിക്കുകയോ ചെയ്തിരുന്നു. ശവശരീരങ്ങൾ പൂർണ്ണ നഗ്നമാക്കിയ ശേഷമാണ് ഓരോ തവണയും അവ ഉപേക്ഷിച്ചിരുന്നത്.
ഒന്നിന് പിറകെ ഒന്നായി നിരവധി സ്ത്രീകളുടെ തിരോധാനം, ഇവരിൽ ഭൂരിഭാഗവും ലൈംഗിക തൊഴിലാളികൾ. അങ്ങനെ നാടാകെ പരത്തിയ പോലീസിന് മുന്നിൽ കണ്ടുകിട്ടുന്നത് നിരവധി ശവശരീരങ്ങൾ. കാണാനില്ല എന്ന് പോലീസിൽ പരാതി ലഭിച്ചസ്ത്രീകളായിരുന്നു ഇവരിൽ കൂടുതലും. കൊല്ലപ്പെട്ട സ്ത്രീകളുടെ പോസ്റ്റ്മോർട്ടും റിപ്പോർട്ട് വിരൽ ചൂണ്ടിയ വസ്തുത, കൊല്ലപ്പെട്ട സ്ത്രീകളിലെ സാമ്യത, കൊലപാതക രീതിയെല്ലാം ചേർത്ത് വായിച്ചപ്പോൾ ഈ അരും കൊലകൾക്ക് പിന്നിൽ ഒരു വ്യക്തി തന്നെയാകാം എന്ന നിഗമനത്തിൽ പോലീസ് എത്തിച്ചേരുന്നത്. എന്നാൽ പ്രതിയിലേക്ക് നയിക്കുന്നു യാതൊരു തെളിവുകളും പോലീസിന് ലഭിക്കുന്നില്ല. അതോടെ പല കേസുകളും വഴിമുട്ടുന്നു. ഇരുട്ടിന്റെ മറവിൽ ഇരകളെ വേട്ടയിടിയ കൊലയാളിയെ തീർത്തും ഇരുട്ടിൽ തപ്പുകയായിരുന്നു പോലീസ്.
മീഖായേലിന്റെ പ്രധാന ഇരകൾ ലൈംഗിക തൊഴിലാളികളായിരുന്നു. എന്നിരുന്നാലും മോശക്കാരിയെന്ന് അയാൾ മുദ്രകുത്തിയ ഏതൊരു സ്ത്രീയെയും നിഷ്കരുണം കൊലപ്പെടുത്തുന്നു. മീഖയേലിന്റെ ഇരകളുടെ പ്രായം 17 നും 50 നും ഇടയിലാണ്. തുടരെ കൊലപാതകങ്ങൾ ചെയ്തു കൂട്ടിയിട്ടയും പോലീസിന്റെ സംശയ ദൃഷ്ടിയിൽ ഒരിക്കൽ പോലും അയാൾ പതിഞ്ഞിരുന്നില്ല. ഒരു പോലീസുകാരനായത് കൊണ്ട് തന്നെ ക്രിമിനലുകളെ പിടിക്കാൻ പോലീസ് നടത്തുന്ന തന്ത്രങ്ങളൊക്കെയും വ്യക്തമായി അറിയാവുന്നത് കൊണ്ട് തന്നെ ഓരോ കൊലപാതകം നടത്തി കഴിഞ്ഞ ശേഷം, അയാൾ തെളിവുകൾ അവശഷിപ്പിച്ചിരുന്നില്ല. പോലീസുകാരനായത് കൊണ്ട് തന്നെ നിയമത്തിന്റെ പഴുത്തിൽ മണ്ണുവാരിയിട്ട് അയാൾ മുന്നോട്ടു പോയി. ഒടുവിൽ പോലീസ് ഉദ്യോഗം അവസാനിപ്പിച്ച ശേഷവും അയാൾ കൊലപാതക പരമ്പര തുടർന്നു.
ഇരകളിൽ മകളുടെ അധ്യാപികയും
മീഖായേൽ പിൽകാലത്ത് പിടിക്കപ്പെട്ടപ്പോൾ അയാളുടെ മകളായ എകറ്റെറിനെ ഞെട്ടിച്ചത് അവളുടെ സ്കൂളിലെ അധ്യാപികയുടെ ഘാതകൻ സ്വന്തം അച്ഛനാണ് എന്ന വസ്തുതയാണ്. മീഖായേൽ മറ്റ് ഇരകളെ കൊലപ്പെടുത്തിയതിന് സമാനമായാണ് മകളുടെ അധ്യാപികയെയും കൊലപ്പെടുത്തിയത്. അധ്യാപികയുടെ സംസ്കാരത്തിന് കുട്ടികളെല്ലാം പിരിവ് നടത്തിയപ്പോൾ മകൾക്കുവേണ്ടി ആ തുക ഇയാൾ നൽകുകയും ചെയ്തു.
കൊലയാളിയുടെ മനോഹഭാവം മീഖായേലിന്റെ കുറ്റകൃത്യങ്ങൾക്ക് പിന്നിലെ മനോഭാവം വിചിത്രമായിരുന്നു. “അവൾ അമ്മയോ ഭാര്യയോ ഒരിക്കലും ആകില്ല” എന്ന തോന്നലുണ്ടാകുമ്പോൾ, ആ സ്ത്രീകളുടെ ജീവൻ അപഹരിക്കാനായിരുന്നു അയാൾ ആഗ്രഹിച്ചത്. മീഖയേലിന്റെ കണ്ണിൽ തീർത്തും മോശക്കാരികളായിരുന്നു ലൈംഗിക തൊഴിലാളികൾ, ശരീരം വിറ്റ് ജീവിക്കുന്നവർ സമൂഹത്തെ നശിപ്പിക്കും. രാത്രിയിൽ ഇറങ്ങിനടക്കുകയും, മദ്യപിക്കുകയും, ബാറുകളിൽ പോകുകയും ചെയ്യുന്ന സ്ത്രീകളെ പാഠം പഠിപ്പിക്കാനാണ് കൊലകൾ നടത്തിയതെന്നാണ് പോലീസ് കണ്ടെത്തിയത്. രാത്രിയിൽ ഇറങ്ങിനടക്കുന്ന സ്ത്രീകളെല്ലാം മോശക്കാരാണെന്ന നിലയിലാണ് ഇയാൾ പെരുമാറിയത്.
ഇവരെ കൊലപ്പെടുത്തിയാൽ സൈബീരിയ തന്നെ ശുദ്ധമാകുമെന്ന വിചാരം അയാളിൽ നിറഞ്ഞിരുന്നു. മീഖേയിലിനെ ഒരു സ്വഭാവ വികൃതമുള്ള മനുഷ്യനായി കണക്കാക്കാം. സ്വന്തം ഭാര്യ തന്നെ വഞ്ചിക്കുന്നു എന്ന ചിന്ത, ഇത് അയാളിൽ തീർത്താൽ തീരാത്ത പകയ്ക്ക് വഴിവയ്ക്കുന്നു. എന്നാൽ ഒരിക്കൽ പോലും പകയ്ക്ക് കരണകാരിയായ ഭാര്യയെ അയാൾ ഉപദ്രവിക്കുന്നില്ല. അതിന് പകരം മറ്റ് സ്ത്രീകളുടെ ജീവൻ അപഹരിക്കുന്നു.
ഒടുവിൽ പിടിക്കപ്പെടുന്ന പ്രതി
പലനാൾ കള്ളൻ ഒരു നാൾ പിടിയിൽ എന്നത് പോലെ മീഖായേലും പോലീസ് പിടിയിലാകുന്നു. മീഖായേലിന്റെ കൈയിൽ നിന്നും രക്ഷപ്പെടുന്ന ഇരകളിൽ നിന്നുള്ള വിവരങ്ങൾ ശേഖരിച്ച ശേഷം വിശദമായ അന്വേഷണം നടത്തിയെങ്കിലും രണ്ടു ദശകത്തോളം അയാളെ പിടികൂടുവാൻ സാധിച്ചില്ല. പോലീസിൽ നിന്നും വിരമിച്ച ശേഷവും അയാൾ പോലീസിനെ കബളിപ്പിച്ച, പിന്നെയും കൊലപാതകങ്ങൾ ചെയ്തു കൂട്ടി. എന്നാൽ എല്ലാ പരമ്പരക്കൊലയാളികൾക്കും പറ്റുന്ന അബദ്ധം മീഖായേലിനും പറ്റുന്നു. തുടർക്കൊലപാതകങ്ങളിൽ പോലീസ് ചില സമാനതകൾ കണ്ടെത്തിയതോടെ അന്വേഷണം ശക്തമാകുന്നു. എന്നാൽ സമാന രീതിയിൽ കൊല്ലപ്പെട്ട സ്ത്രീകളുടെ എണ്ണം അപ്പോഴേക്കും 30 കവിഞ്ഞിരുന്നു. പോലിസുകാർ ഉപയോഗിക്കുന്ന തരത്തിലുള്ള ഓഫ് റോഡ് വാഹനത്തിന്റെ ടയറിന്റെ പാടുകൾ കുറ്റകൃത്യം നടന്നിടത്തെല്ലാം ഒരുപോലെ കണ്ടെത്തെത്തിയത് കേസ് അന്വേഷണത്തിൽ വഴിതിരിവായി മാറി. കൊലപാതകി ഒരു പോലീസ് ഉദ്യോഗസ്ഥനാണ് എന്ന ഉറപ്പിൽ അന്വേഷണം നിങ്ങുന്നു. കൊലപ്തകങ്ങൾ നടന്നത് ഒരേ സ്റ്റേഷൻ പരിധിയിലായത് കൊണ്ട് അന്വേഷണം കൂടുതൽ ശക്തിപ്പെട്ടു.
തുടർന്ന് 2012 ൽ, ഇർകുട്സ്ക് പോലീസിൽ നിലവിൽ ജോലി ചെയ്യുന്നവരും വിരമിച്ചവരുമായ നിരവധിപ്പേരെ ചോദ്യം ചെയ്തു. ഡിഎൻഎ പരിശോധനകൾ നടത്തി. ഒടുവിൽ അതേവർഷം തന്നെ മീഖായേലിനെ പിടികൂടുന്നു. കൊലപാതകത്തിന് ഉപയോഗിക്കുന്ന കത്തി, കോടാലി തുടങ്ങിയവ മീഖായേൽ ജോലി ചെയ്ത സ്റ്റേഷനിലെ ‘തെളിവു ശേഖരണ’ വിഭാഗത്തിൽ നിന്നാണ് എടുത്തിരുന്നത്. അതിനാൽ തന്നെ ഇരകളെ കൊല്ലാൻ അയൽക്ക് ആയുധങ്ങൾ തേടി നടക്കേണ്ടി വന്നില്ല. കൊലപാതകങ്ങൾക്ക് ശേഷംആയുധങ്ങളിൽ നിന്ന് വിരലടയാളം ഉൾപ്പെടെയുള്ള തെളിവുകൾ മായ്ച്ച് കൊലപാതക സ്ഥലത്തു ഉപേക്ഷിക്കുമായിരുന്നു അയാളുടെ പതിവ്. പക്ഷെ ഒളിഞ്ഞിരുന്ന ഇതേ തെളിവുകൾ തന്നെയാണ് അയാളെ കുടുക്കിയതും.
രണ്ട് വർഷത്തിന് ശേഷം, മീ ഖായേൽ, 59 കൊലപാതകങ്ങൾ കൂടി നടത്തിയതായി സമ്മത്തിക്കുന്നു, റഷ്യൻ സീരിയൽ കില്ലർമാരായ ആൻഡ്രി ചിക്കാറ്റിലോ, അലക്സാണ്ടർ പിച്ചുഷ്കിൻ എന്നിവരുടെ ഇരകളുടെ എണ്ണത്തേക്കാൾ കൂടുതലാണ് മീഖായേൽ കൊലപ്പെടുത്തിയ ഇരകളുടെ എണ്ണം. 2018 ഡിസംബർ 10 ന്, സൈബീരിയയിലെ ഇർകുട്സ്കിലെ റീജിയണൽ കോടതിയിൽ നടന്ന വിചാരണയ്ക്ക് ശേഷം, 56 കൊലപാതകങ്ങൾക്ക് കൂടി അയാൾ ശിക്ഷിക്കപ്പെട്ടു. തെളിവുകളുടെ അഭാവം മൂലം മൂന്ന് കൊലപാതകങ്ങൾ തെളിയിക്കുവാൻ കഴിഞ്ഞില്ല. റഷ്യയിൽ വധശിക്ഷ നിയമം മൂലം നിരോധിച്ചത് കൊണ്ട് ജീവപര്യന്തം തടവ് ശിക്ഷയാണ് കോടതി വിധിച്ചത്. 2020 ൽ രണ്ട് കൊലപാതകങ്ങൾ കൂടി സമ്മതിച്ചതോടെ ആകെ ഇരകളുടെ എണ്ണം 83 ആയി.
Summary
Mikhail Popkov, a former Russian police officer known as the “Werewolf,” is the most prolific serial killer in modern Russian history with at least 92 confirmed murders committed between 1992 and 2011.
