ജി7 ഉച്ചകോടിക്കിടെ തന്നോടൊപ്പം ഫോട്ടോ എടുക്കാൻ ഇറ്റാലിയൻ പ്രധാനമന്ത്രി ജോർജിയ മെലോണി നിരന്തരം അപേക്ഷിച്ചുവെന്ന അമേരിക്കൻ പ്രസിഡന്റ് ഡൊണാൾഡ് ട്രംപിന്റെ അവകാശവാദത്തിനെതിരെ രൂക്ഷമായ മറുപടിയുമായി മെലോണി (Trump Meloni Conflict). ഇറ്റലിയിൽ മെലോണിയുടെ ജനപ്രീതി കുറവാണെന്നും, അമേരിക്കയുടെ സഹായം നിഷേധിച്ചതിന്റെ പേരിലാണ് ഇങ്ങനെയൊരു തന്ത്രം മെനയുന്നതെന്നും ട്രംപ് എക്സ് വഴി ആരോപിച്ചിരുന്നു. ഇറാൻ വിഷയത്തിൽ ഇറ്റലി അമേരിക്കയെ പിന്തുണച്ചില്ലെന്നും, ഇറ്റലിയിലെ ലാൻഡിംഗ് സ്ട്രിപ്പുകൾ ഉപയോഗിക്കാൻ തങ്ങളെ അനുവദിച്ചില്ലെന്നും ട്രംപ് കുറ്റപ്പെടുത്തി.
Io e l’Italia non imploriamo mai. pic.twitter.com/sTpKlqWB67
— Giorgia Meloni (@GiorgiaMeloni) June 19, 2026
“ഞങ്ങൾ ഒരിക്കലും അപേക്ഷിക്കാറില്ല” – മെലോണിയുടെ മറുപടി
ട്രംപിന്റെ ആരോപണങ്ങൾ തീർത്തും അടിസ്ഥാനരഹിതമാണെന്നും ഇത്തരം പ്രകോപനപരമായ പെരുമാറ്റം അമേരിക്കൻ സഖ്യകക്ഷിയോട് അങ്ങേയറ്റം അപലപനീയമാണെന്നും മെലോണി തുറന്നടിച്ചു. “എന്റെ ജനപ്രീതിയെക്കുറിച്ച് വ്യാകുലപ്പെടേണ്ട, അത് നിങ്ങളുടെ വിഷയമല്ല. ഇറ്റലിയുടെ ദേശീയ താത്പര്യങ്ങൾ സംരക്ഷിക്കാനാണ് ഞാൻ ശ്രമിക്കുന്നത്. പാശ്ചാത്യ രാജ്യങ്ങളുടെ ശത്രുക്കളോട് കാണിക്കാത്ത ആവേശമാണ് ട്രംപ് സഖ്യകക്ഷികളോട് കാണിക്കുന്നത്,” മെലോണി പറഞ്ഞു. “ഞാനും ഇറ്റലിയും ഒരിക്കലും ആരോടും അപേക്ഷിക്കാറില്ല” എന്ന് എക്സിൽ കുറിച്ചുകൊണ്ട് അവർ ട്രംപിന്റെ വാദങ്ങളെ പൂർണ്ണമായും തള്ളിക്കളഞ്ഞു.
താനാണ് മെലോണിയോട് സംസാരിച്ചതെന്നും, അവൾക്ക് തന്നോടൊപ്പം ഒരു ചിത്രം എടുക്കാൻ വലിയ ആഗ്രഹമായിരുന്നുവെന്നും ട്രംപ് മാധ്യമങ്ങളോട് പറഞ്ഞിരുന്നു. ഫോട്ടോ എടുക്കാൻ അപേക്ഷിച്ചവളോട് തനിക്ക് ദയ തോന്നിയതുകൊണ്ടാണ് ഫോട്ടോയ്ക്ക് സമ്മതിച്ചതെന്നും അദ്ദേഹം അവകാശപ്പെട്ടു. എന്നാൽ ട്രംപിന്റെ പ്രസ്താവനകളിൽ താൻ അതീവ അമ്പരപ്പിലാണെന്ന് മെലോണി വ്യക്തമാക്കി. പരസ്പരമുള്ള ഈ വാഗ്വാദങ്ങൾ അമേരിക്കയും ഇറ്റലിയും തമ്മിലുള്ള നയതന്ത്ര ബന്ധത്തെ കൂടുതൽ സങ്കീർണ്ണമാക്കുകയാണ്.
Summary: The war of words between US President Donald Trump and Italian PM Giorgia Meloni has escalated, with Trump alleging that Meloni “begged” for a photo with him during the G7 Summit due to her low popularity. Trump further criticized Meloni for failing to support the US stance against Iran.
