ലണ്ടൻ: ലാൻഡിങ്ങിനായി താഴ്ന്നിറങ്ങുന്നതിനിടെ വിമാനത്തിന് തൊട്ടടുത്ത് ‘പറക്കുംതളിക’യുടെ ആകൃതിയിലുള്ള വസ്തു കണ്ടതായി പൈലറ്റിന്റെ വെളിപ്പെടുത്തൽ. യുകെയിലെ ഗാറ്റ്വിക് എയർപോർട്ടിൽ വിമാനം ഇറക്കാൻ ശ്രമിക്കുന്നതിനിടയിലാണ് എയർബസ് A319 വിമാനത്തിലെ പൈലറ്റ് വിചിത്രമായ അനുഭവത്തിന് സാക്ഷിയായത്. പൈലറ്റിന്റെ റിപ്പോർട്ടിനെ തുടർന്ന് യുകെ എയർപ്രോക്സ് ബോർഡ് സംഭവത്തിൽ അന്വേഷണം നടത്തി.(Pilot Reports Seeing Flying Saucer Near Passenger Plane Landing at Gatwick Airport)
വിമാനത്തിന്റെ വലതു ചിറകിൽ നിന്ന് ഏകദേശം 100 മുതൽ 300 അടി മാത്രം അകലെക്കൂടി എതിർദിശയിലാണ് വട്ടത്തിലുള്ള ഈ വസ്തു പറന്നുപോയതെന്ന് പൈലറ്റ് വ്യക്തമാക്കുന്നു. ഡിസ്ക് ആകൃതിയിലുള്ള ഈ വസ്തുവിന്റെ വശങ്ങളിൽ കറുത്ത അടയാളങ്ങൾ ഉണ്ടായിരുന്നു. ഇത് ഏതെങ്കിലും തരത്തിലുള്ള ഡ്രോൺ ആയിരിക്കാമെന്നാണ് സംശയിക്കുന്നത്. അപകടനില ഒഴിവാക്കാൻ പെട്ടെന്ന് തിരിക്കേണ്ട സാഹചര്യം വന്നില്ലെങ്കിലും വിമാനത്തിന്റെ സുരക്ഷയെ ഇത് സാരമായി ബാധിച്ചതായി അന്വേഷണ ബോർഡ് സ്ഥിരീകരിച്ചു.
ഇതിന് പിന്നാലെ ലണ്ടനിലെ ഹീത്രൂ എയർപോർട്ടിലും സമാനമായ രീതിയിൽ വിമാനത്തിന് തൊട്ടടുത്ത് ഡ്രോൺ സാന്നിധ്യം റിപ്പോർട്ട് ചെയ്തിട്ടുണ്ട്. മാർലോ ഭാഗത്തുവെച്ച് തിരിയുന്നതിനിടെ എയർബസ് A321 വിമാനത്തിന് സമീപത്തുകൂടി പറന്നുപോയ ഡ്രോണിന്റെ നിറവും പ്രൊപ്പല്ലറുകളും വ്യക്തമായി കാണാൻ കഴിഞ്ഞതായി പൈലറ്റ് അറിയിച്ചു. വലിയൊരു കൂട്ടിയിടി അപകടത്തിൽ നിന്നാണ് വിമാനം രക്ഷപ്പെട്ടതെന്ന് എയർപ്രോക്സ് ബോർഡ് ചൂണ്ടിക്കാട്ടി.
Story Summary
An Airbus A319 pilot reported sighting a disc-shaped “flying saucer” or suspected drone just feet away from the aircraft’s wing while landing at London’s Gatwick Airport. The UK Airprox Board confirmed the incident alongside another close call involving a drone near Heathrow Airport, highlighting the severe safety risks posed by unauthorized drone incursions near airports.
