അബുദാബി: യുഎഇയിൽ ബന്ധുവായ യുവതിയുടെയും അവരുടെ പിതാവിന്റെയും ചിത്രങ്ങളും ഒപ്പം അപകീർത്തികരമായ കുറിപ്പും സോഷ്യൽ മീഡിയയിലൂടെ പ്രചരിപ്പിച്ച 27കാരനായ ഇന്ത്യൻ യുവാവിന് കനത്ത പിഴ ശിക്ഷ വിധിച്ച് അബുദാബി കോടതി. സൈബർ നിയമ ലംഘനം ചൂണ്ടിക്കാട്ടി യുവാവിന് 3,000 ദിർഹം ആണ് കോടതി പിഴ ചുമത്തിയത്.(Indian Man Fined In UAE For Defamatory Social Media Post Against Female Relative)
ഇരയായ യുവതി നൽകിയ ഔദ്യോഗിക പരാതിയുടെ അടിസ്ഥാനത്തിലാണ് അബുദാബി പോലീസും സൈബർ വിഭാഗവും നടപടി സ്വീകരിച്ചത്. തന്നെ സമൂഹമധ്യത്തിൽ കടുത്ത രീതിയിൽ അപമാനിക്കാനും വ്യക്തിഹത്യ ചെയ്യാനും ബോധപൂർവ്വമായ ഉദ്ദേശ്യത്തോടെയാണ് യുവാവ് ഇത്തരമൊരു പോസ്റ്റിട്ടതെന്നാണ് യുവതിയുടെ പരാതിയിൽ പറയുന്നത്.
തുടർന്ന് നടത്തിയ വിശദമായ ഡിജിറ്റൽ അന്വേഷണത്തിൽ പ്രതിയുടെ സോഷ്യൽ മീഡിയ അക്കൗണ്ടിൽ നിന്ന് തന്നെയാണ് ഈ പോസ്റ്റുകൾ പങ്കുവെച്ചതെന്ന് വിദഗ്ദ്ധ സംഘം കണ്ടെത്തി. കൂടാതെ യുവതിയുടെ പിതാവിന്റെ ചിത്രവും ഇതേ രീതിയിൽ മോശം പരാമർശങ്ങളോടെ യുവാവ് പോസ്റ്റ് ചെയ്തതായി തെളിഞ്ഞു. ഇത്തരം പ്രവൃത്തികൾക്കെതിരെ കർശന നടപടിയുണ്ടാകുമെന്ന് അധികൃതർ ഓർമ്മിപ്പിച്ചു.
Story Summary
A 27-year-old Indian man in the UAE was fined AED 3,000 for posting a relative’s private photo along with defamatory comments on social media without consent. Despite the suspect’s claim that the victim herself posted it using his phone, the Abu Dhabi court found him guilty based on forensic evidence showing cyber defamation against the woman and her father.
