യുന്നാൻ: സ്വന്തമായി പാകം ചെയ്ത ‘ജിയാൻഷൗക്കിങ്’ കൂൺ കഴിച്ചതിനെത്തുടർന്നുണ്ടായ മതിഭ്രമത്തിൽ, 27-ാം നിലയിൽ താമസിക്കുന്ന യുവാവ് അപ്പാർട്ട്മെന്റിന്റെ ജനലിലൂടെ പുറത്തിറങ്ങി വാട്ടർ പൈപ്പിലൂടെ താഴേക്ക് ഇറങ്ങാൻ ശ്രമിച്ചു. ചൈനീസ് ഫാന്റസി നോവലുകളിൽ കാണുന്നതുപോലെ ‘അമരത്വം നേടാനുള്ള പരിശീലന’ത്തിലാണെന്ന് വിശ്വസിച്ചാണ് താൻ ഇപ്രകാരം പ്രവർത്തിച്ചതെന്ന് ഇയാൾ പറഞ്ഞു.(Chinese man suffers hallucinations and attempted to climb down from apartment after eating poisonous mushrooms)
26-ാം നിലയിൽ താമസിക്കുന്ന സുഹൃത്ത് ശബ്ദം കേട്ട് ഉടൻ ഓടിയെത്തിയതിനാലാണ് ഇദ്ദേഹം വലിയൊരു അപകടത്തിൽ നിന്ന് രക്ഷപ്പെട്ടത്. സുഹൃത്ത് ഇദ്ദേഹത്തെ ബലമായി അകത്തേക്ക് വലിച്ചു കയറ്റുകയായിരുന്നു. തുടർന്ന് ബോധരഹിതനായ ഇയാളെ ആശുപത്രിയിൽ പ്രവേശിപ്പിച്ചു. അടിയന്തര ചികിത്സയ്ക്കും ഗ്യാസ്ട്രോഇന്റസ്റ്റൈനൽ ക്ലെൻസിംഗ് നടപടികൾക്കും ശേഷമാണ് ഇദ്ദേഹത്തിന് ബോധം തിരിച്ചുകിട്ടിയത്.
കൂൺ നന്നായി വേവിക്കാത്തതാണ് മതിഭ്രമത്തിന് കാരണമായത്. തലേദിവസം പാകം ചെയ്ത കൂൺ ഫ്രിഡ്ജിൽ വെച്ച് അടുത്തദിവസം വീണ്ടും ചൂടാക്കി കഴിക്കുകയായിരുന്നു. മതിയായ രീതിയിൽ ചൂടാക്കാത്തതും വേവിക്കാത്തതുമായ കൂൺ വിഷകരമാണ്. മദ്യത്തോടൊപ്പം ഈ കൂൺ കഴിച്ചത് വിഷബാധയുടെ തീവ്രത വർദ്ധിപ്പിച്ചു. ‘സീ ഹാൻഡ് ബ്ലൂ’ എന്ന് അർത്ഥം വരുന്ന ഈ കൂൺ മുറിക്കുമ്പോൾ നീലനിറമായി മാറുന്നു. ഇത് ഭക്ഷ്യയോഗ്യമാക്കാൻ 120 ഡിഗ്രി സെൽഷ്യസിന് മുകളിൽ കുറഞ്ഞത് 15 മിനിറ്റെങ്കിലും വേവിക്കണം.
Story Summary
A Chinese man in Yunnan province suffered severe hallucinations and attempted to climb down from his 27th-floor apartment after consuming improperly cooked ‘Jianshouqing’ wild mushrooms mixed with alcohol. He was saved by a neighbor and later recovered in the hospital, leading him to renounce mushrooms, alcohol, and smoking following the near-fatal ordeal.
