ബ്രിട്ടീഷ് കൊളംബിയ: കാനഡയിലെ അബോട്ട്സ്ഫോർഡിൽ വയോധിക ദമ്പതികളെ അതിക്രൂരമായി കൊലപ്പെടുത്തിയ കേസിൽ മൂന്ന് ഇന്ത്യൻ വംശജർ കുറ്റക്കാരാണെന്ന് കോടതി കണ്ടെത്തി (Canada Murder Case Indians Guilty). ഗുർക്കരൻ സിങ്, അഭിജീത്ത് സിങ്, ഖുശ്വീർ തൂർ എന്നിവരെയാണ് ബ്രിട്ടീഷ് കൊളംബിയ സുപ്രീം കോടതി ശിക്ഷിച്ചത്. പണം തട്ടാനായി നടത്തിയ ആസൂത്രിത കൊലപാതകമാണെന്ന് കോടതി നിരീക്ഷിച്ചു.
77 വയസ്സുകാരനായ അർനോൾഡ് ഡി ജോങ്, ഭാര്യ ജോവന്നെ ഡി ജോങ് (76) എന്നിവരാണ് കൊല്ലപ്പെട്ടത്. 2022 മെയ് മാസത്തിൽ ഇവരുടെ വസതിയിലാണ് മൃതദേഹങ്ങൾ കണ്ടെത്തിയത്. പ്രതികളിൽ ഒരാളായ അഭിജീത്ത് സിങ്ങിന്റെ ഉടമസ്ഥതയിലുള്ള ക്ലീനിങ് കമ്പനിയിലെ ജീവനക്കാരായിരുന്നു മൂവരും. മുൻപ് ഈ വീട്ടിൽ ജോലിക്കായി പോയ പ്രതികൾ, വീട്ടിലെ സാഹചര്യങ്ങൾ മനസ്സിലാക്കിയ ശേഷം കവർച്ചയും കൊലപാതകവും ആസൂത്രണം ചെയ്യുകയായിരുന്നു.
അർനോൾഡിനെ ശ്വാസം മുട്ടിച്ചും ജോവന്നയെ കഴുത്തറുത്തുമാണ് കൊലപ്പെടുത്തിയത്. കൈകാലുകൾ കെട്ടിയിട്ട നിലയിലായിരുന്നു മൃതദേഹങ്ങൾ. വീട്ടിൽ നിന്ന് ക്രെഡിറ്റ് കാർഡുകളും ചെക്കുകളും പ്രതികൾ കവർന്നിരുന്നു. ഡിഎൻഎ തെളിവുകളും കൊലപാതകത്തിന് ശേഷം ശിക്ഷാ നടപടികളെക്കുറിച്ച് പ്രതികൾ ഇന്റർനെറ്റിൽ നടത്തിയ തിരച്ചിലുകളും കേസിൽ നിർണ്ണായക തെളിവുകളായി. പ്രതികൾക്കുള്ള ശിക്ഷ മെയ് 28-ന് കോടതി പ്രഖ്യാപിക്കും.
Summary: A British Columbia Supreme Court has found three Indian-origin men—Gurkaran Singh, Abhijeet Singh, and Khushveer Toor—guilty of the brutal 2022 murder of an elderly couple, Arnold and Joanne De Jong, in Abbotsford. The murders were committed during a planned robbery by the trio, who had previously worked at the couple’s home.
