ന്യൂഡൽഹി: എസ്എൻഡിപി യോഗത്തിന് ബാധകമായത് ഏത് നിയമമാണെന്ന കാര്യത്തിൽ വ്യക്തത തേടി സുപ്രീംകോടതി. 1956-ലെ കേന്ദ്ര കമ്പനി നിയമമാണോ അതോ 1961-ലെ കേരള നോൺ ട്രേഡിങ് കമ്പനീസ് ആക്ടാണോ യോഗത്തിന് ബാധകമാകുക എന്ന് സത്യവാങ്മൂലം സമർപ്പിക്കാൻ കേന്ദ്ര സർക്കാരിനോട് കോടതി നിർദ്ദേശിച്ചു.(What is the law applicable to the SNDP, Clarify by May 19, Supreme Court directs the Center)
മെയ് 19-നകം കേന്ദ്ര സർക്കാർ തങ്ങളുടെ നിലപാട് വ്യക്തമാക്കണമെന്ന് ബെഞ്ച് ഉത്തരവിട്ടു. വിഷയത്തിൽ കേന്ദ്രത്തിന്റെ കൃത്യമായ മറുപടി ലഭ്യമാക്കാൻ സോളിസിറ്റർ ജനറൽ തുഷാർ മേത്തയോട് കോടതി ആവശ്യപ്പെട്ടു.
എസ്എൻഡിപി യോഗം ജനറൽ സെക്രട്ടറി വെള്ളാപ്പള്ളി നടേശന് കേന്ദ്രത്തിന്റെ ഈ നിലപാട് നിർണ്ണായകമാകും. നിലവിൽ യോഗത്തിന്റെ ബൈലോ ഭേദഗതികളും തിരഞ്ഞെടുപ്പ് രീതികളും സംബന്ധിച്ച നിയമപോരാട്ടത്തിൽ ഈ വ്യക്തത വലിയ മാറ്റങ്ങൾക്കിടയാക്കും.
