കൊൽക്കത്ത: പശ്ചിമ ബംഗാളിൽ അടുത്തിടെ നടന്ന നിയമസഭാ തിരഞ്ഞെടുപ്പിന് ശേഷം അധികാരമേറ്റ ബിജെപി സർക്കാർ, കശാപ്പ് നിയന്ത്രിച്ചുകൊണ്ട് പുതിയ ഉത്തരവ് പുറപ്പെടുവിച്ചു. 1950-ലെ നിയന്ത്രണ നിയമവും 2018-ലെ കൊൽക്കത്ത ഹൈക്കോടതി ഉത്തരവും അടിസ്ഥാനമാക്കിയാണ് സർക്കാർ കർശന നിർദ്ദേശം നൽകിയിരിക്കുന്നത്.(West Bengal BJP Government Enforces Strict Cattle Slaughter Norms)
ഇനി മുതൽ പശുക്കൾ, കാളകൾ, പോത്തുകൾ, എരുമകൾ തുടങ്ങിയ മൃഗങ്ങളുടെ കശാപ്പിന് ഔദ്യോഗിക സർട്ടിഫിക്കറ്റ് നിർബന്ധമാണ്. പ്രാദേശിക നഗരസഭ അധികൃതർ അല്ലെങ്കിൽ പഞ്ചായത്ത് സമിതി പ്രസിഡന്റ്, സർക്കാർ വെറ്ററിനറി സർജൻ എന്നിവർ സംയുക്തമായി വേണം ഈ സർട്ടിഫിക്കറ്റ് നൽകാൻ. മൃഗത്തിന് 14 വയസ്സിൽ കൂടുതൽ പ്രായമുണ്ടെന്നും, ജോലി ചെയ്യാനോ പ്രജനനത്തിനോ യോഗ്യമല്ലെന്നും, അല്ലെങ്കിൽ വാർദ്ധക്യം, പരിക്ക്, വൈകല്യം, മാറാരോഗങ്ങൾ എന്നിവ കാരണം അവശമാണെന്നും ഉറപ്പുവരുത്തിയ ശേഷം മാത്രമേ സർട്ടിഫിക്കറ്റ് നൽകാവൂ.
സർക്കാർ അംഗീകരിച്ച മുൻസിപ്പൽ അറവുശാലകളിൽ അല്ലെങ്കിൽ തദ്ദേശ ഭരണകൂടം പ്രത്യേകം അനുവദിച്ച സ്ഥലങ്ങളിൽ മാത്രമേ കശാപ്പ് നടത്താൻ പാടുള്ളൂ. പൊതുസ്ഥലങ്ങളിൽ ഇതിന് പൂർണ്ണ നിരോധനമുണ്ട്. ഉത്തരവ് ലംഘിക്കുന്നവർക്ക് ആറുമാസം വരെ തടവോ 1,000 രൂപ പിഴയോ അല്ലെങ്കിൽ രണ്ടും കൂടിയോ ലഭിക്കാം. അനധികൃത കന്നുകാലി ചന്തകളും അറവുശാലകളും പ്രവർത്തിക്കുന്നത് തടയാൻ കർശന നടപടി സ്വീകരിക്കാൻ ഉന്നത പോലീസ് ഉദ്യോഗസ്ഥർക്ക് സർക്കാർ നിർദ്ദേശം നൽകിയിട്ടുണ്ട്. ലൈസൻസുള്ള കച്ചവടങ്ങൾ തടസ്സമില്ലാതെ നടക്കുന്നുണ്ടെന്നും, ഇതിന്റെ പേരിൽ അനധികൃത പിരിവുകളോ അക്രമങ്ങളോ നടക്കുന്നില്ലെന്നും ഉറപ്പാക്കണമെന്നും അഡീഷണൽ ഡയറക്ടർ ജനറൽ അറിയിച്ചു.
Story Summary
Following its historic victory in the 2026 West Bengal Assembly elections, the new BJP-led government under Chief Minister Suvendu Adhikari has strictly enforced the West Bengal Animal Slaughter Control Act, 1950. The government has mandated that no cattle or buffalo can be slaughtered without a fitness certificate jointly issued by local municipal/panchayat authorities and a government veterinarian, certifying that the animal is over 14 years old or permanently incapacitated. Violations may attract imprisonment up to six months and fines, as the government moves to regulate cattle trade and close unauthorised slaughterhouses across the state.
