ചെന്നൈ: തമിഴ് രാഷ്ട്രീയത്തിൽ പുതിയൊരു യുഗത്തിന് തുടക്കം കുറിച്ചുകൊണ്ട് തമിഴക വെട്രി കഴകം (TVK) അധ്യക്ഷൻ വിജയ് തമിഴ്നാട് മുഖ്യമന്ത്രിയായി അധികാരമേറ്റു. വെള്ളിത്തിരയിലെ പഞ്ച് ഡയലോഗുകളെ അനുസ്മരിപ്പിക്കും വിധം തീപ്പൊരി പാറിച്ചായിരുന്നു വിജയ്യുടെ സത്യപ്രതിജ്ഞ. “സി. ജോസഫ് വിജയ് എന്ന ഞാൻ…” എന്ന് പേപ്പറിൽ നോക്കാതെ ഉറച്ച ശബ്ദത്തിൽ അദ്ദേഹം ചൊല്ലിയപ്പോൾ ചെന്നൈയിലെ സത്യപ്രതിജ്ഞാ വേദി ആവേശക്കടലായി മാറി. ദൈവനാമത്തിലായിരുന്നു സത്യപ്രതിജ്ഞ.(Vijay Takes Oath As Tamil Nadu Chief Minister Leading TVK Government)
ഗവർണർ രാജേന്ദ്ര ആർലേക്കർ സത്യവാചകം ചൊല്ലിക്കൊടുത്തു. പ്രതിപക്ഷ നേതാവ് രാഹുൽ ഗാന്ധി ഉൾപ്പെടെയുള്ള ദേശീയ നേതാക്കളുടെ സാന്നിധ്യം ചടങ്ങിന്റെ മാറ്റുകൂട്ടി. വിജയ്യുടെ കുടുംബാംഗങ്ങൾ, തമിഴ് സിനിമാ ലോകത്തെ പ്രമുഖർ, ലക്ഷക്കണക്കിന് വരുന്ന ടിവികെ പ്രവർത്തകർ എന്നിവർ ഈ ചരിത്ര നിമിഷത്തിന് സാക്ഷ്യം വഹിക്കാൻ എത്തിയിരുന്നു.
120 എംഎൽഎമാരുടെ പിന്തുണയോടെയാണ് ടിവികെ സർക്കാർ രൂപീകരിച്ചിരിക്കുന്നത്. വിജയ്ക്കൊപ്പം ഒൻപത് മന്ത്രിമാരും ഇന്ന് സത്യപ്രതിജ്ഞ ചെയ്തു. ഇതിൽ ശ്രദ്ധേയമായ സാന്നിധ്യം 29-കാരിയായ സെൽവി എസ്. കീർത്തനയാണ്. ശിവകാശിയിൽ നിന്നുള്ള എംഎൽഎയായ കീർത്തന തമിഴ്നാട് മന്ത്രിസഭയിലെ ഏറ്റവും പ്രായം കുറഞ്ഞ വ്യക്തിയായാണ് റെക്കോർഡിട്ടിരിക്കുന്നത്. രാഷ്ട്രീയ കൺസൾട്ടന്റായി പ്രവർത്തിച്ചിരുന്ന കീർത്തന ടിവികെയുടെ യുവജന മുഖമായിട്ടാണ് അറിയപ്പെടുന്നത്.
ഇന്ന് രാവിലെ 10 മണിക്ക് ചെന്നൈ ജവഹർലാൽ നെഹ്റു ഇൻഡോർ സ്റ്റേഡിയത്തിൽ നടന്ന പ്രൗഢഗംഭീരമായ ചടങ്ങിൽ ഗവർണർ രാജേന്ദ്ര വിശ്വനാഥ് അർലേക്കർ സത്യവാചകം ചൊല്ലിക്കൊടുത്തു. സിനിമയിൽ നിന്ന് രാഷ്ട്രീയത്തിലേക്ക് ചുവടുവെച്ച് ചുരുങ്ങിയ കാലയളവിനുള്ളിലാണ് 51-കാരനായ വിജയ് തമിഴ് രാഷ്ട്രീയത്തിന്റെ സിംഹാസനം പിടിച്ചെടുത്തത്. ഏകദേശം 60 വർഷമായി തമിഴ്നാട് രാഷ്ട്രീയത്തെ അടക്കിവാണ ഡിഎംകെ, എഐഎഡിഎംകെ കക്ഷികളെ നിഷ്പ്രഭമാക്കിയാണ് വിജയ്യുടെ ഈ ചരിത്രനേട്ടം. നിയമസഭാ തിരഞ്ഞെടുപ്പിൽ 108 സീറ്റുകൾ നേടി ടിവികെ ഏറ്റവും വലിയ ഒറ്റകക്ഷിയായി മാറിയിരുന്നു. ഭൂരിപക്ഷം ഉറപ്പാക്കിയത് സഖ്യകക്ഷികൾഅഞ്ച് ദിവസം നീണ്ട ചർച്ചകൾക്കും അനിശ്ചിതത്വങ്ങൾക്കും ഒടുവിലാണ് വിജയ് ഭൂരിപക്ഷം തെളിയിച്ചത്.
Story Summary
Tamil cinema superstar Vijay, head of Tamilaga Vettri Kazhagam (TVK), took oath as the Chief Minister of Tamil Nadu in a grand ceremony attended by national leaders like Rahul Gandhi. Supported by 120 MLAs, Vijay’s cabinet currently includes 9 ministers, featuring Selvi S. Keerthana, the youngest minister in the state’s history.
