ന്യൂഡൽഹി: കേന്ദ്രമന്ത്രി ജോർജ് കുര്യൻ്റെ കാലാവധി നാളെ അവസാനിക്കും. കേന്ദ്രമന്ത്രിസഭയിൽ നിന്ന് രാജിവെയ്ക്കുന്ന അദ്ദേഹത്തിൻ്റെ തീരുമാനം പാർട്ടി സംഘടന പ്രവർത്തനങ്ങളിൽ ശ്രദ്ധ കേന്ദ്രീകരിക്കാനാണ് എന്നാണ് സൂചന. കേരളത്തിൽ പ്രവർത്തിക്കാനുള്ള താൽപര്യം അദ്ദേഹം കേന്ദ്ര നേതൃത്വത്തെ അറിയിച്ചിട്ടുണ്ട്.(Union Minister George Kurian To Resign And Return To Organizational Duties)
രാജ്യസഭ എംപി എന്ന നിലയിലുള്ള അദ്ദേഹത്തിന്റെ കാലാവധി നാളെ അവസാനിക്കാനിരിക്കെയാണ് ഈ നിർണ്ണായക നീക്കം. പശ്ചിമ ബംഗാൾ സന്ദർശനത്തിലുള്ള പ്രധാനമന്ത്രി നരേന്ദ്ര മോദി തിരിച്ചെത്തിയ ഉടൻ രാജി കൈമാറിയേക്കും. അദ്ദേഹം ദേശീയ തലത്തിലാണോ അതോ കേരളത്തിലാണോ തുടർന്ന് പ്രവർത്തിക്കുക എന്ന കാര്യത്തിൽ പാർട്ടി ഔദ്യോഗികമായി പ്രതികരിച്ചിട്ടില്ലെങ്കിലും, കേരളത്തിൽ സജീവമാകാനാണ് സാധ്യതയെന്നാണ് സൂചനകൾ.
2024 ജൂൺ 9-നാണ് മൂന്നാം മോദി സർക്കാരിൽ ന്യൂനപക്ഷ കാര്യം, ഫിഷറീസ്, മൃഗസംരക്ഷണം എന്നീ വകുപ്പുകളുടെ സഹമന്ത്രിയായി ജോർജ് കുര്യൻ സത്യപ്രതിജ്ഞ ചെയ്തത്.
Story Summary
Union Minister George Kurian has decided to resign from his ministerial post as his Rajya Sabha term concludes tomorrow. He has expressed his desire to the central leadership to return to organizational duties, with reports suggesting he may focus his future activities in Kerala.
