ലണ്ടൻ: ലണ്ടനിലെ ക്രോയ്ഡണിൽ താമസിച്ചിരുന്ന വാടക വീട്ടിലുണ്ടായ തീപിടുത്തത്തിൽ രണ്ട് ഇന്ത്യൻ വിദ്യാർഥികൾ മരിച്ചു (London House Fire Indian Students). ആന്ധ്രാപ്രദേശിലെ കാക്കിനട സ്വദേശി ഗാന്തി അഭിഷേക് (28), തെലങ്കാനയിലെ നിസാമാബാദ് സ്വദേശി കാമിനേനി സായ് ശ്രീകർ (26) എന്നിവരാണ് മരിച്ചത്.
തീപിടുത്തമുണ്ടായ സമയത്ത് മൂന്ന് പേരാണ് വീട്ടിലുണ്ടായിരുന്നത്. ഗാന്തി അഭിഷേക് സംഭവസ്ഥലത്തുതന്നെ മരണപ്പെട്ടു. ഗുരുതരമായി പരിക്കേറ്റ സായ് ശ്രീകറിനെ ഉടൻ തന്നെ ക്രോയ്ഡൺ യൂണിവേഴ്സിറ്റി ആശുപത്രിയിൽ പ്രവേശിപ്പിച്ചെങ്കിലും ചികിത്സയിലിരിക്കെ മസ്തിഷ്ക മരണം സംഭവിക്കുകയായിരുന്നു. തുടർന്ന് മരണം സ്ഥിരീകരിച്ചു.
മൃതദേഹങ്ങൾ എത്രയും വേഗം നാട്ടിലെത്തിക്കാനുള്ള നടപടികൾ സ്വീകരിക്കണമെന്ന് വിദ്യാർഥികളുടെ കുടുംബങ്ങൾ കേന്ദ്ര വിദേശകാര്യ മന്ത്രാലയത്തോടും ലണ്ടനിലെ ഇന്ത്യൻ ഹൈക്കമ്മീഷനോടും അഭ്യർത്ഥിച്ചിട്ടുണ്ട്. തീപിടുത്തത്തിന്റെ കാരണം വ്യക്തമായിട്ടില്ല. ലണ്ടൻ പോലീസ് അന്വേഷണം ആരംഭിച്ചിട്ടുണ്ട്. വീട്ടിലുണ്ടായിരുന്ന മൂന്നാമത്തെ വ്യക്തി പരിക്കുകളോടെ ചികിത്സയിലാണ്.
Story Summary: Two Indian students, Ganthi Abhishek (28) from Andhra Pradesh and Kamineni Sai Sreekar (26) from Telangana, died in a house fire in Croydon, London. Abhishek died on the spot, while Sreekar passed away later at Croydon University Hospital following brain death. Their families have requested the Indian government’s assistance to repatriate the bodies.
