കൊച്ചി: കൊക്കക്കോള ഇന്ത്യയുടെ പ്രമുഖ സോഫ്റ്റ് ഡ്രിങ്ക് ബ്രാൻഡായ തംസ് അപ്പ് (Thums Up), രാജ്യത്തെ യുവജനങ്ങൾക്കിടയിൽ ബൈക്കിംഗ് സംസ്കാരം പ്രോത്സാഹിപ്പിക്കുന്നതിനായി ‘തണ്ടർവീൽസ് 3.0’ (Thums up thunderwheels 3) ക്യാംപെയ്ൻ അവതരിപ്പിച്ചു. ഇന്ത്യൻ ക്രിക്കറ്റ് താരം ജസ്പ്രീത് ബുംറയാണ് ക്യാംപെയ്നിന്റെ പ്രധാന മുഖം.
ബൈക്കിംഗിനോടുള്ള പുതുതലമുറയുടെ താൽപര്യം വർദ്ധിപ്പിക്കാനും രാജ്യത്തെ റൈഡർമാരെ ഒരു കുടക്കീഴിൽ അണിനിരത്താനുമാണ് പദ്ധതി ലക്ഷ്യമിടുന്നത്. ബുംറയെ കേന്ദ്രകഥാപാത്രമാക്കി തയ്യാറാക്കിയ ബ്രാൻഡ് ഫിലിമിലൂടെ ബ്രാൻഡിന്റെ സാഹസികത നിറഞ്ഞ ‘തൂഫാനി’ അനുഭവമാണ് തംസ് അപ്പ് അവതരിപ്പിക്കുന്നത്.
പ്രത്യേകമായി വിപണിയിലിറക്കിയ തംസ് അപ്പ് പായ്ക്കുകളിലെ ക്യു.ആർ (QR) കോഡ് സ്കാൻ ചെയ്ത് ഉപഭോക്താക്കൾക്ക് തണ്ടർവീൽസ് ഡിജിറ്റൽ പ്ലാറ്റ്ഫോമിലേക്ക് പ്രവേശിക്കാം. ഇതിലൂടെ നടക്കുന്ന ഭാഗ്യക്കുറി നറുക്കെടുപ്പിലൂടെ ഭാഗ്യശാലികൾക്ക് ‘തണ്ടർവീൽസ്’ ബൈക്ക് അടക്കമുള്ള ആകർഷകമായ സമ്മാനങ്ങൾ നേടാൻ അവസരമുണ്ട്.
രാജ്യത്തുടനീളമുള്ള റൈഡിംഗ് പ്രേമികൾക്ക് അവരുടെ യാത്രാനുഭവങ്ങളും സാഹസിക കഥകളും പങ്കുവെക്കാനും ഇന്ത്യയിലെ ഏറ്റവും വലിയ ബൈക്കിംഗ് കമ്മ്യൂണിറ്റി രൂപീകരിക്കാനും ഈ പ്ലാറ്റ്ഫോം വഴിയൊരുക്കും.
“തംസ് അപ്പിന്റെ ശക്തമായ രുചിയും ഉയർന്ന ഫിസും ബ്രാൻഡിന്റെ സാഹസിക ആത്മാവിനെ പ്രതിഫലിപ്പിക്കുന്നതാണ്. തണ്ടർവീൽസ് 3.0-യിലൂടെ കൂടുതൽ യുവാക്കളെ ബൈക്കിംഗിന്റെ ആവേശത്തിലേക്കും അനുഭവങ്ങളിലേക്കും സ്വാഗതം ചെയ്യുകയാണ്,” എന്ന് കൊക്കക്കോള ഇന്ത്യ & സൗത്ത്-വെസ്റ്റ് ഏഷ്യ കാറ്റഗറി ഹെഡ് (സ്പാർക്ലിംഗ് ഫ്ലേവേഴ്സ്) സുമേലി ചാറ്റർജി പറഞ്ഞു.
Story Summary:
Thums Up launched the ‘ThunderWheels 3.0’ campaign featuring Indian cricketer Jasprit Bumrah to promote biking culture in India. Customers can scan QR codes on special Thums Up packs to enter a lucky draw for a biking rewards and join an online biking community.
