നാഗ ചൈതന്യയുടെ തമിഴ്-തെലുങ്ക് ദ്വിഭാഷാ ചിത്രമായ കസ്റ്റഡിയുടെ ട്രെയ്‌ലർ പുറത്തിറങ്ങി

നാഗ ചൈതന്യയുടെ വരാനിരിക്കുന്ന തമിഴ്-തെലുങ്ക് ദ്വിഭാഷാ ചിത്രമായ കസ്റ്റഡിയുടെ ട്രെയിലർ പുറത്തിറങ്ങി. വെങ്കട്ട് പ്രഭു സംവിധാനം ചെയ്യുന്ന ചിത്രത്തിൽ കൃതി ഷെട്ടിയാണ് നായിക. തെലുങ്ക് സിനിമയിലേക്കുള്ള വെങ്കടിന്റെ ആദ്യ ചുവടുവെപ്പിനെ അടയാളപ്പെടുത്തുന്ന കസ്റ്റഡിയിൽ അരവിന്ദ് സ്വാമി, പ്രിയാമണി, ആർ ശരത്കുമാർ, വെണ്ണേല കിഷോർ, സമ്പത്ത് രാജ്, പ്രേംജി, പ്രേമി വിശ്വനാഥ്, രാംകി എന്നിവരുൾപ്പെടെ ഒരു കൂട്ടം അഭിനേതാക്കളുണ്ട്.  യുവൻ ശങ്കർ രാജയും ഇളയരാജയും ചേർന്ന് സംഗീതം നിർവ്വഹിക്കുന്ന ചിത്രത്തിന് എഡിറ്റിംഗ് വിഭാഗം വെങ്കട്ട് രാജൻ നിർവഹിക്കുന്നു.  ചിത്രം മെയ് 12ന് തീയേറ്ററുകളിലെത്തും.