അയോധ്യ: അയോധ്യ രാമക്ഷേത്രത്തിലേക്ക് ലഭിച്ച സംഭാവനകളിലും വിലപിടിപ്പുള്ള വസ്തുക്കളിലും ക്രമക്കേട് നടന്നെന്ന ആരോപണത്തിൽ അന്വേഷണം തുടരുന്നു. ക്ഷേത്രത്തിൽ സമർപ്പിച്ച 60 കിലോ ഭാരമുള്ള വെള്ളി ബിസ്കറ്റുകൾ കണക്കുകളിൽ ഉൾപ്പെട്ടിട്ടില്ലെന്നും അവ കാണാതായെന്നുമാണ് ഏറ്റവും പുതിയ റിപ്പോർട്ട്. രാം ലല്ലയുടെ പ്രാണപ്രതിഷ്ഠാ ചടങ്ങുമായി ബന്ധപ്പെട്ട് സമർപ്പിക്കപ്പെട്ടതായിരുന്നു ഈ വെള്ളി ബിസ്കറ്റുകൾ.(Silver missing from Ram Mandir, Investigation intensifies as 60 kg of silver goes missing from Ram Mandir)
കഴിഞ്ഞ ആറു ദിവസമായി പ്രത്യേക അന്വേഷണ സംഘം ഈ വിഷയത്തിൽ തെളിവുകൾ ശേഖരിക്കാൻ ശ്രമിക്കുന്നുണ്ടെങ്കിലും, വെള്ളി ബിസ്കറ്റുകൾ എവിടെപ്പോയി എന്നതിനെക്കുറിച്ച് വ്യക്തമായ രേഖകളോ വിവരങ്ങളോ കണ്ടെത്താൻ അധികൃതർക്ക് സാധിച്ചിട്ടില്ല. രാജ്യത്തുടനീളമുള്ള സ്വർണ്ണ വ്യാപാരികൾ ചേർന്ന് സംഭാവന നൽകിയതാണ് ഈ വെള്ളി എന്ന് ജ്വല്ലേഴ്സ് അസോസിയേഷൻ വ്യക്തമാക്കുന്നു. ഇതിന്റെ രസീത് തങ്ങളുടെ പക്കലുണ്ടെന്നും അസോസിയേഷൻ പ്രസിഡന്റ് പറഞ്ഞു. എന്നാൽ, ക്ഷേത്രനിർമ്മാണവുമായി ബന്ധപ്പെട്ട യാതൊരു രേഖകളിലും ഇവ ഇടംപിടിച്ചിട്ടില്ല.
ലക്നൗ കമ്മീഷണർ വിജയ് വിശ്വാസ് പന്ത്, ഐജി കിരൺ എസ്, സ്പെഷ്യൽ സെക്രട്ടറി നീൽരതൻ കുമാർ എന്നിവരടങ്ങുന്ന മൂന്നംഗ സംഘമാണ് കേസ് അന്വേഷിക്കുന്നത്. സ്വർണ്ണം, വെള്ളി, വജ്രം എന്നിവ പതിച്ച ആഭരണങ്ങൾക്ക് പകരം വ്യാജ ആഭരണങ്ങൾ വെച്ചുമാറ്റി, പണമായി ലഭിച്ച സംഭാവനകളിൽ തിരിമറി നടത്തി തുടങ്ങിയ ഗുരുതരമായ ആരോപണങ്ങളാണ് അന്വേഷിക്കുന്നത്.
Story Summary
A Special Investigation Team (SIT) in Ayodhya is probing the alleged disappearance of 60 kg of silver bars, as official records fail to account for their receipt or storage. The inquiry, prompted by allegations of ornament replacement and siphoned cash donations, is currently examining temple staff and management records.
