എൻ ഡി എയിൽ ഇരട്ട നീതിയെന്ന് പറഞ്ഞ് ശിവസേന ഷിൻഡേ വിഭാഗം
Jun 11, 2024, 10:36 IST
ന്യൂഡൽഹി: ശിവസേന ഷിൻഡേ വിഭാഗം നേതാക്കൾ എൻ ഡി എയിൽ ഇരട്ട നീതിയെന്ന് പറഞ്ഞ് രംഗത്ത്. നേതാക്കൾ വ്യക്തമാക്കിയത് മൂന്നാം നരേന്ദ്ര മോദി സർക്കാരിൽ അർഹമായ പരിഗണന ലഭിച്ചില്ലെന്നാണ്. പാർട്ടി മുന്നണിയിൽ മൂന്നാമത്തെ ഒറ്റക്കക്ഷിയാണ്. എന്നിട്ടും ക്യാബിനറ്റ് മന്ത്രി സ്ഥാനം നൽകിയില്ലെന്നാണ് നേതാക്കളുടെ പരാതി. ക്യാബിനറ്റ് മന്ത്രിസ്ഥാനം ഒന്നും രണ്ടും സീറ്റുകളുള്ള പാർട്ടികൾക്ക് നൽകിയെന്നും സ്വതന്ത്ര ചുമതലയുള്ള സഹമന്ത്രി സ്ഥാനമാണ് ശിവസേനയ്ക്ക് ലഭിച്ചതെന്നും നേതാക്കൾ പറയുന്നു. പാർട്ടിക്ക് ബി ജെ പിയുടെ ദീർഘകാലമായുള്ള സഖ്യകക്ഷി എന്ന പരിഗണന ലഭിച്ചില്ലെന്ന് പറഞ്ഞ എം പി ശ്രീരംഗ് ബർനെ എൻ സി പി അജിത് പവാർ പക്ഷത്തിനും പരിഗണന ലഭിച്ചില്ലെന്നും കൂട്ടിച്ചേർത്തു.