ന്യൂഡൽഹി: സിബിഎസ്ഇ പന്ത്രണ്ടാം ക്ലാസ് പരീക്ഷാ ഫലപ്രഖ്യാപനത്തിന് പിന്നാലെ ഉയർന്നുവന്ന മൂല്യനിർണ്ണയ ക്രമക്കേടുകളിൽ കേന്ദ്ര ഗവൺമെന്റിനും പ്രധാനമന്ത്രി നരേന്ദ്ര മോദിക്കുമെതിരെ കടുത്ത വിമർശനവുമായി ലോക്സഭയിലെ പ്രതിപക്ഷ നേതാവ് രാഹുൽ ഗാന്ധി. സിബിഎസ്ഇയുടെ പരീക്ഷാ ഫല പ്രക്രിയയിൽ വൻതോതിലുള്ള ക്രമക്കേടുകൾ നടന്നിട്ടുണ്ടെന്ന് ആരോപിച്ച രാഹുൽ, ഡിജിറ്റൽ മൂല്യനിർണ്ണയത്തിനായി ഈ വർഷം പുതുതായി അവതരിപ്പിച്ച ‘ഓൺ-സ്ക്രീൻ മാർക്കിംഗ്’ (OSM) സംവിധാനവുമായി ബന്ധപ്പെട്ട കമ്പനിയെക്കുറിച്ച് സ്വതന്ത്രമായ അന്വേഷണം നടത്തണമെന്ന് ആവശ്യപ്പെട്ടു.(Rahul Gandhi Slams PM Modi Over CBSE Evaluation Rows Demands SIT Probe Into OSM Contractor)
വിഷയത്തിൽ വിദ്യാർത്ഥികളും രക്ഷിതാക്കളും ഉന്നയിക്കുന്ന ഗുരുതരമായ ആശങ്കകളിൽ പ്രധാനമന്ത്രി നരേന്ദ്ര മോദി പുലർത്തുന്ന നിശ്ശബ്ദതയെ രാഹുൽ ഗാന്ധി എക്സ് (X) പ്ലാറ്റ്ഫോമിലൂടെ രൂക്ഷമായി ചോദ്യം ചെയ്തു. കോൺഗ്രസ് നേതാവ് തന്റെ സോഷ്യൽ മീഡിയ പോസ്റ്റിൽ കേന്ദ്ര ഗവൺമെന്റിനോട് ഉത്തരം കിട്ടേണ്ട നിരവധി ചോദ്യങ്ങൾ ഉന്നയിക്കുകയും സ്വതന്ത്ര ജുഡീഷ്യൽ അന്വേഷണത്തോടൊപ്പം പ്രത്യേക അന്വേഷണ സംഘത്തിന്റെ (SIT) അന്വേഷണവും ആവശ്യപ്പെടുകയും ചെയ്തു. “സിബിഎസ്ഇ പരീക്ഷാ ഫലങ്ങൾ വലിയ ക്രമക്കേടുകളാൽ തകർക്കപ്പെട്ടിരിക്കുകയാണ്, ഇത് രാജ്യത്തുടനീളമുള്ള ദശലക്ഷക്കണക്കിന് വിദ്യാർത്ഥികളെയും അവരുടെ രക്ഷിതാക്കളെയും ഞെട്ടിച്ചിരിക്കുന്നു. എന്നിട്ടും മോദിജി? എപ്പോഴത്തെയും പോലെ – മറുപടിയില്ല, ഉത്തരവാദിത്തമില്ല, നാണക്കേടുമില്ല.” രാഹുൽ ഗാന്ധി കുറിച്ചു. ഡിജിറ്റൽ മൂല്യനിർണ്ണയ കരാർ നൽകിയ കമ്പനിയെക്കുറിച്ച് പ്രതിപക്ഷ നേതാവ് വലിയ ആശങ്കകൾ ഉന്നയിച്ചു.
ഈ കമ്പനി മുൻപ് മറ്റൊരു പേരിൽ പ്രവർത്തിച്ചിരുന്നതാണെന്നും 2019-ൽ തെലങ്കാനയിൽ വലിയ വിവാദങ്ങളിൽ അകപ്പെട്ടിരുന്നതാണെന്നും അദ്ദേഹം അവകാശപ്പെട്ടു. കേന്ദ്രത്തോട് പ്രതിപക്ഷ നേതാവ് ഉന്നയിക്കുന്ന പ്രധാന ചോദ്യങ്ങൾവിവാദ കമ്പനിക്ക് കരാർ നൽകിയതുമായി ബന്ധപ്പെട്ട് വ്യക്തമായ മറുപടി വേണമെന്ന് രാഹുൽ ഗാന്ധി ആവശ്യപ്പെട്ടു.
പരീക്ഷ എഴുതിയ വിദ്യാർത്ഥികളെ ജെൻ സി സഖാക്കൾ’ എന്ന് അഭിസംബോധന ചെയ്തുകൊണ്ട് രാഹുൽ ഗാന്ധി അവർക്ക് പൂർണ്ണ പിന്തുണ പ്രഖ്യാപിച്ചു. വിദ്യാർത്ഥികളുടെ കഠിനാധ്വാനവും ഭാവിയും മോഷ്ടിക്കാൻ ആരെയും അനുവദിക്കില്ലെന്നും ഈ അഴിമതിയുടെ ആഴങ്ങളിലേക്ക് ഇറങ്ങി ചെന്ന് ഇതിന് പിന്നിലെ യഥാർത്ഥ പ്രതികളെ പുറത്തുകൊണ്ടുവരുമെന്നും അദ്ദേഹം കൂട്ടിച്ചേർത്തു. കേന്ദ്ര വിദ്യാഭ്യാസ മന്ത്രി ധർമ്മേന്ദ്ര പ്രധാന്റെ രാജി ആവശ്യപ്പെട്ട് കോൺഗ്രസ് പാർട്ടി നിലപാട് ശക്തമാക്കിയിട്ടുണ്ട്.
Story Summary
Leader of Opposition in the Lok Sabha, Rahul Gandhi, launched a scathing attack on PM Narendra Modi and the Centre over alleged “massive irregularities” in the CBSE Class 12 evaluation process. Demanding an independent judicial inquiry and an SIT probe, Gandhi questioned the silent accountability of the government.
